“ಗೋಲ್‌ ಪೊಯ್ಯನ’ಕೊಡವ ಸಿ.ಡಿ. ಬಿಡುಗಡೆ 

ಮಡಿಕೇರಿ: ಕರ್ನಾಟಕ ಕೊಡವ ಸಾಹಿತ್ಯ ಅಕಾಡೆಮಿ ವತಿಯಿಂದ ಹೊರ ತರಲಾಗಿರುವ ಕೊಡವ ಹಾಡುಗಳ “”ಗೋಲ್‌ ಪೊಯ್ಯನ” ಸಿ.ಡಿ ಯನ್ನು ವಿಧಾನ ಪರಿಷತ್‌ ಸದಸ್ಯರಾದ ಶಾಂತೆಯಂಡ ವೀಣಾಅಚ್ಚಯ್ಯ ಬಿಡುಗಡೆಗೊಳಿಸಿದರು.

ಕೊಡಗಿನ ಹಾಡುಗಾರರಾದ ಚೆಕ್ಕೇರ ಪಂಚಮ್‌ ಬೋಪಣ್ಣ, ನೆಲ್ಲಮಕ್ಕಡ ಸಾಗರ್‌ ಮಾಚಯ್ಯ, ಕೊಡಿಮಣಿಯಂಡ ಮೌಲ್ಯ ಅಚ್ಚಯ್ಯ, ಬೊಟ್ಟೋಳಂಡ ಆಶಿತಾ ಬೋಪಣ್ಣ, ಪರದಂಡ ಕಾವೇರಮ್ಮ ಹಾಗೂ ಮೈಸೂರಿನ ಶ್ರೀ  ದೇವಿ ಕುಳೆನೂರ್‌ ಗೀತೆಗಳನ್ನು ಹಾಡಿದ್ದಾರೆ.

ನಾಗೇಶ್‌ ಕಾಲೂರ್‌, ಚಿತ್ರಾ ನಾಣಯ್ಯ ಹಾಗೂ ಮೊಣ್ಣಂಡ ಶೋಭಾ ಸುಬ್ಬಯ್ಯ ಸಾಹಿತ್ಯದಲ್ಲಿ ಮೂಡಿ ಬಂದಿರುವ ಗೀತೆಗಳಲ್ಲಿ ಚೆಕ್ಕೇರ ತ್ಯಾಗರಾಜ್‌ ಅಪ್ಪಯ್ಯ ಅವರು ಹಾಕಿ ನಮ್ಮೆ ಎನ್ನುವ ಒಂದು ಗೀತೆಗೆ ರಾಗ ಸಂಯೋಜಿಸಿದ್ದಾರೆ. ಉಳಿದ ಗೀತೆಗಳಿಗೆ ನಾಗೇಶ್‌ ಕಾಲೂರ್‌ ಮತ್ತು ಮೊಣ್ಣಂಡ ಶೋಭಾ ಸುಬ್ಬಯ್ಯ ಅವರು ರಾಗ ನೀಡಿದ್ದಾರೆ.

ಸಿ.ಡಿ.ಯ ಹೊರಾಂಗಣ ವಿನ್ಯಾಸವನ್ನು ಪುತ್ತರಿರ ಪಪ್ಪು ತಿಮ್ಮಯ ನಿರೂಪಿಸಿದ್ದಾರೆ. ಕಾರ್ಯಕ್ರಮದಲ್ಲಿ ಕರ್ನಾಟಕ ಕೊಡವ ಸಾಹಿತ್ಯ ಅಕಾಡೆಮಿಯ ಅಧ್ಯಕ್ಷರಾದ ಬಿದ್ದಾಟಂಡ ತಮ್ಮಯ, ಮೊಣ್ಣಂಡ ಶೋಭಾ ಸುಬ್ಬಯ್ಯ , ಅಕಾಡೆಮಿಯ ರಿಜಿಸ್ಟ್ರಾರ್‌ ಉಮರಬ್ಬ ಮೊದಲಾದವರಿದ್ದರು.