The Freelancer: ದಿ ಫ್ರೀಲ್ಯಾನ್ಸರ್‌ ವೆಬ್‌ ಸರಣಿಯಲ್ಲಿ ಜಾನ್‌ ಕೊಕ್ಕೆನ್‌

ಪವರ್‌ಸ್ಟಾರ್‌ ಪುನೀತ್‌ ರಾಜಕುಮಾರ್‌ ಅಬಿನಯದ “ಪೃಥ್ವಿ’, ಉಪೇಂದ್ರ ಅಭಿನಯದ “ಕಬ್ಜ’ ಮುಂತಾದ ಸಿನಿಮಾಗಳಲ್ಲಿ ಖಳನಟನಾಗಿ ಕಾಣಿಸಿಕೊಂಡಿದ್ದ ಜಾನ್‌ ಕೊಕ್ಕೆನ್‌ ” ದಿ ಫ್ರೀಲ್ಯಾನ್ಸರ್‌ʼ ವೆಬ್‌ ಸರಣಿಯಲ್ಲಿ ಕಾಣಿಸಿಕೊಂಡಿದ್ದಾರೆ.

ಶಿರಿಶ್‌ ಥೋರಟ್‌ ಅವರ “ಎ ಟಿಕೆಟ್‌ ಟು ಸಿರಿಯಾ’ ಪುಸ್ತಕವನ್ನು ಆಧರಿಸಿದ ” ದಿ ಫ್ರೀಲ್ಯಾನ್ಸರ್‌ ವೆಬ್‌ ಸರಣಿಯನ್ನು ಭಾವ್‌ ಧುಲಿಯಾ ನಿರ್ದೇಶನದಲ್ಲಿ, “ಫ್ರೈಡೇ ಸ್ಟೋರಿ ಟೆಲ್ಲರ್’ ನಿರ್ಮಾಣ ಮಾಡಿದೆ.

ಯುದ್ಧ ಮತ್ತು ಜನರನ್ನು ರಕ್ಷಿಸುವ ಕಾರ್ಯಾಚರಣೆಯ ಕಥಾಹಂದರ ಹೊಂದಿರುವ ” ದಿ ಫ್ರೀಲ್ಯಾನ್ಸರ್‌ ‘ ವೆಬ್‌ ಸರಣಿಯಲ್ಲಿ ಜಾನ್‌ ಕೊಕ್ಕೆನ್‌ ಗುಪ್ತಚರ ಅಧಿಕಾರಿ ಪಾತ್ರ ನಿರ್ವಹಿಸಿದ್ದಾರೆ.

ಉಳಿದಂತೆ ಮೋಹಿತ್‌ ರೈನಾ, ಅನುಪಮ್‌ ಖೇರ್‌, ಸುಶಾಂತ್‌ ಸಿಂಗ್‌, ಗೌರಿ ಬಾಲಾಜಿ, ನವನೀತ್‌ ಮಲಿಕ್‌, ಮಂಜಿರಿ ಫ‌ಡ್ನಿಸ್‌, ಸಾರಾಜೇನ್‌ ಡಯಾಸ್‌ ಮುಂತಾದವರು ” ದಿ ಫ್ರೀಲ್ಯಾನ್ಸರ್‌ ಸರಣಿಯ ಇತರ ಪ್ರಮುಖ ಪಾತ್ರಗಳಲ್ಲಿ ಅಭಿನಯಿಸಿದ್ದಾರೆ. ಇದೇ ಸೆಪ್ಟಂಬರ್‌ 1ರಿಂದ ಡಿಸ್ನಿಪ್ಲಸ್‌ ಮತ್ತು ಹಾಟ್‌ಸ್ಟಾರ್ ನಲ್ಲಿ ಈ ಸರಣಿಯು ಪ್ರಸಾರವಾಗುತ್ತಿದೆ.

ಸದ್ಯ ಪ್ರಸಾರವಾಗುತ್ತಿರುವ ಈ ಸರಣಿಯು ಪ್ರೇಕ್ಷಕರ ಗಮನ ಸೆಳೆಯುತ್ತಿದ್ದು, ಸಸ್ಪೆನ್ಸ್‌, ಥ್ರಿಲ್ಲರ್‌ ಪಾತ್ರದಲ್ಲಿ ಕಾಣಿಸಿಕೊಂಡಿರುವ ಜಾನ್‌ ಕೊಕ್ಕೆನ್‌ ಅಭಿನಯಕ್ಕೆ ಮೆಚ್ಚುಗೆ ವ್ಯಕ್ತವಾಗುತ್ತಿದೆ.