ಮತ್ಸ್ಯಗಂಧ ಎಕ್ಸಪ್ರೆಸ್ ನಲ್ಲಿ ಕಳ್ಳತನ

ಪಣಜಿ: ಮತ್ಸ್ಯಗಂಧ ಎಕ್ಸಪ್ರೆಸ್ ರೈಲಿನಲ್ಲಿ ಪನವೇಲ್‍ನಿಂದ ಉಡುಪಿಗೆ ಪ್ರಯಾಣ ಬೆಳೆಸುತ್ತಿದ್ದ ಮಹಿಳೆಯೋರ್ವಳ ಬಳಿಯಿದ್ದ 6 ಲಕ್ಷ ರೂ ಮೌಲ್ಯದ ಬಂಗಾರ ಮತ್ತು 50,000 ರೂ ಹಣ ಕಳ್ಳತನ ನಡೆದಿರುವುದಾಗಿ ಕೊಂಕಣ ರೈಲ್ವೆ ಪೋಲಿಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಈ ಕುರಿತಂತೆ ಜೋ ಅಲ್ವಿನ್ ಮಾರ್ಟೀನ್ ರವರು ಕೊಂಕಣ ರೈಲ್ವೆ ಪೋಲಿಸ್ ಠಾಣೆಯಲ್ಲಿ ದೂರು ಸಲ್ಲಿಸಿದ್ದಾರೆ. ತಮ್ಮ ಕುಟುಂಬದೊಂದಿಗೆ ಮಾರ್ಟಿನ್ ರವರು ಮತ್ಸ್ಯಗಂಧ ಎಕ್ಸಪ್ರೆಸ್ ರೈಲಿನಲ್ಲಿ ಪನವೇಲ್‍ನಿಂದ ಉಡುಪಿಗೆ ಪ್ರಯಾಣ ಬೆಳೆಸಿದ್ದರು.

ಇದನ್ನೂ ಓದಿ:- ಬಾಂಬ್ ರೀತಿ ಸ್ಪೋಟಗೊಂಡ ಪಟಾಕಿ : ತಂದೆ, ಮಗ ಛಿದ್ರ ಛಿದ್ರ

ಈ ಸಂದರ್ಭದಲ್ಲಿ ಮಾರ್ಟಿನ್ ರವರ ತಾಯಿಯ ಕೈಯ್ಯಲ್ಲಿದ್ದ ಬ್ಯಾಗ್‍ನ್ನು ಅಪರಿಚಿತ ವ್ಯಕ್ತಿಯೊಬ್ಬ ಕದ್ದು ಪರಾರಿಯಾದ. ಈ ಬ್ಯಾಗ್‍ನಲ್ಲಿ ಸುಮಾರು 6 ಲಕ್ಷ ರೂ ಮೌಲ್ಯದ ಬಂಗಾರ ಮತ್ತು 50,000 ರೂ ಹಣವಿತ್ತು ಎನ್ನಲಾಗಿದೆ. ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಕೊಂಕಣ ರೈಲ್ವೆಯ ಪೋಲಿಸ್ ನಿರೀಕ್ಷಕ ಹೀರೂ ಕವಳೇಕರ್ ಹೆಚ್ಚಿನ ತನಿಖಾ ಕಾರ್ಯ ಕೈಗೆತ್ತಿಕೊಂಡಿದ್ದಾರೆ.