ನೀರಿನ ತೊಟ್ಟಿಗೆ ಬಿದ್ದು ಮಗು ಸಾವು

ಪಿರಿಯಾಪಟ್ಟಣ: ನೀರಿನ ತೊಟ್ಟಿಗೆ ಬಿದ್ದು 2 ವರ್ಷದ ಮಗು ಮೃತಪಟ್ಟಿರುವ ಘಟನೆ ತಾಲೂಕಿನ ಬೆಟ್ಟದತುಂಗದ ಕೆಳಗಿನ ಕೊಪ್ಪಲು ಗ್ರಾಮದಲ್ಲಿ ನಡೆದಿದೆ. 

ಗ್ರಾಮದ ಜಗದೀಶ್‌-ಲಕ್ಷ್ಮೀ ದಂಪತಿಯ 2 ವರ್ಷದ ಯಶಸ್‌ ಮೃತಪಟ್ಟ ಮಗು. ಮಗುವಿನ ಪೋಷಕರು ಮನೆಯ ಹಿಂಭಾಗದ ಜಮೀನಿನಲ್ಲಿ ಕೆಲಸ ಮಾಡುತ್ತಿದ್ದರು ಮಗು ಅವರ ಬಳಿಯೇ ಆಟವಾಡುತ್ತಿತ್ತು.

ತಾಯಿ ಮನೆಯೋಳಗೆ ಕಾಫಿ ಮಾಡಲು ತೆರಳಿದಾಗ ಮಗು ಹಿಂದೆಯೇ ಓಡಿ ಬಂದು ಮನೆ ಸಮೀಪವಿರುವ ನೀರಿನ ತೊಟ್ಟಿ ಬಳಿಗೆ ಬಂದಿದೆ. ತೊಟ್ಟಿಯಲ್ಲಿ ಆಟಿಕೆಯನ್ನು ಕಂಡು, ಅದನ್ನು ಎತ್ತಲು ಹೋಗಿ 3 ಅಡಿ ಆಳವಿರುವ ತೊಟ್ಟಿಗೆ ಬಿದ್ದು ಮೃತಪಟ್ಟಿದೆ.