ಮದುವೆಯಾದ ಕೆಲವೇ ನಿಮಿಷಗಳಲ್ಲಿ ದಂಪತಿ ಸಾವು

ಟೆಕ್ಸಾಸ್‌: ದಾಂಪತ್ಯ ಜೀವನಕ್ಕೆ ಕಾಲಿಟ್ಟ ಕೆಲವೇ ನಿಮಿಷಗಳಲ್ಲಿ ನವದಂಪತಿ ಅಪಘಾತದಲ್ಲಿ ಮೃತಪಟ್ಟ ಹೃದಯ ವಿದ್ರಾವಕ ಘಟನೆ ಅಮೆರಿಕದ ಟೆಕ್ಸಾಸ್‌ನ ಆರೆಂಜ್‌ ಕೌಂಟಿಯಲ್ಲಿ ನಡೆದಿದೆ. ಬಾಲ್ಯ ಸ್ನೇಹಿತ ರಾಗಿದ್ದ ಹಾರ್ಲೆ ಮೋರ್ಗಾನ್‌(19) ಹಾಗೂ ರಿಯಾನ್ನಾನ್‌ ಬೌಡ್ರೆಯಾಕ್ಸ್‌(20) ಅವರ ವಿವಾಹವನ್ನು ಘೋಷಿಸಿದ್ದ ಪಾದ್ರಿ ಕೆಲವೇ ನಿಮಿಷಗಳಲ್ಲಿ ಅವರ ನಿಧನವನ್ನೂ ಅದೇ ಸ್ಥಳದಲ್ಲಿ ಘೋಷಿಸಿದರು. ಮದುವೆ ಶಾಸ್ತ್ರ ಮುಗಿಸಿ ವಧೂವರರು ಕಾರಿನಲ್ಲಿ ಒಂದಷ್ಟು ದೂರ ಸಂಚಾರ ಮಾಡಿ ಬರಲು ಹೊರಟರು. ಅವರ ಕುಟುಂಬ ಸದಸ್ಯರು ಅವರ ಹಿಂದೆಯೇ ಇದ್ದರು. ಕಾರನ್ನು ರಸ್ತೆಗೆ ತರುತ್ತಲೇ ಬೃಹತ್‌ಗಾತ್ರದ ಲಾರಿಯೊಂದು ಕಾರಿನ ಮೇಲೆ ಎರಗಿ ಇಬ್ಬರೂ ತಮ್ಮ ಕುಟುಂಬಗಳ ಸಮ್ಮುಖದಲ್ಲೇ ಪ್ರಾಣಬಿಟ್ಟರು.