Convertion: ಮತಾಂತರಗೊಂಡಿದ್ದ ಹಿಂದೂ ಯುವತಿ ಪಾರು

ಕರಾಚಿ: ಪಾಕಿಸ್ತಾನದ ಸಿಂಧ್‌ ಪ್ರಾಂತ್ಯದ ದಕ್ಷಿಣ ಭಾಗದಿಂದ ಅಪಹರಣಕ್ಕೆ ಒಳಗಾಗಿದ್ದ ಅಲ್ಪಸಂಖ್ಯಾತ ಹಿಂದೂ ಸಮುದಾಯದ ಅಪ್ರಾಪ್ತೆಯನ್ನು ಕರಾಚಿಯಿಂದ ರಕ್ಷಿಸಲಾಗಿದೆ. ಆಕೆಯನ್ನು ರೇಖಾ ಮೇಘ್ವಾಲ್‌ ಎಂದು ಗುರುತಿಸಲಾಗಿದೆ. ಹಿರಿಯ ಪೊಲೀಸ್‌ ಅಧಿಕಾರಿ ತಂಡೋ ಅಲ್ಲಹ್ಯಾರ್‌ ನೀಡಿದ ಮಾಹಿತಿ ಪ್ರಕಾರ ಯುವತಿಯನ್ನು ಮರಳಿ ಕುಟುಂಬದ ವಶಕ್ಕೆ ಒಪ್ಪಿಸಲಾಗಿದೆ.

ರೇಖಾ ಮೇಘ್ವಾಲ್‌ ಎಂಬಾಕೆಯನ್ನು ದಕ್ಷಿಣ ಸಿಂಧ್‌ ಪ್ರಾಂತ್ಯದ ತಂದೊ ಅಲ್ಲಾಹ್ಯಾರ್‌ನ ಸಂಜಾರ್‌ ಚಾಂಗ್‌ ಪ್ರದೇಶದಿಂದ ಯುವತಿಯನ್ನು ಅಪಹರಣ ಮಾಡಲಾಗಿತ್ತು. ಅಫ್ಘಾನ್‌ ಪಶೂನ್‌ ಕುಟುಂಬಕ್ಕೆ ಸೇರಿದ ಜಮೋ ಖಾನ್‌ ಈಕೆಯನ್ನು ಕರಾಚಿಗೆ ಒಯ್ದು ಮೊದಲು ಬಲಾತ್ಕಾರವಾಗಿ ಇಸ್ಲಾಮ್‌ಗೆ ಮತಾಂತರಿಸಿದ್ದ. ನಂತರ ಮದುವೆ ಮಾಡಿಕೊಂಡಿದ್ದ. ಇದರ ವಿರುದ್ಧ ಯುವತಿಯ ಕುಟುಂಬ ಮತ್ತು ಪಾಕಿಸ್ತಾನ ದಹ್ರಾವಾರ್‌ ಇತ್ತೆಹಾದ್‌ ಸಂಸ್ಥೆ ದೂರು ಸಲ್ಲಿಸಿದ್ದವು. ಮ್ಯಾಜಿಸ್ಟ್ರೇಟ್‌ ನ್ಯಾಯಾಲಯದಲ್ಲಿ ತಾವು ಆಕೆಯನ್ನು ಅಪಹರಣ ಮಾಡಿಲ್ಲ, ಆಕೆಯೇ ತಮ್ಮೊಂದಿಗೆ ಬಂದಿದ್ದು ಎಂದ ಜಮೋ ಖಾನ್‌ ವಾದಿಸಿದ್ದಾನೆ. ಆದರೆ ಆತನ ಬಳಿ ಪಾಕಿಸ್ತಾನದ ಗುರುತು ಪತ್ರವೂ ಇರಲಿಲ್ಲ. ಬದಲಿಗೆ ಅಫ್ಘಾನಿಸ್ತಾನದ ಗುರುತು ಪತ್ರ ಹೊಂದಿದ್ದ!