ಕ್ರೀಡಾಕೂಟದ ಸಮಾರೋಪ: ಕೊಡಗಿನ ಯೋಧನಿಗೆ ಸಮ್ಮಾನ

ಸೋಮವಾರಪೇಟೆ: ಬೆಂಗಳೂರಿನ ಮಲೆನಾಡು ಯೂತ್‌ ಅಸೋಸಿಯೇಷನ್‌ ವತಿಯಿಂದ ಬೆಂಗಳೂರಿನ ಕಟ್ಟೆಗಾನಹಳ್ಳಿ ಮೈದಾನದಲ್ಲಿ ಇತ್ತೀಚೆಗೆ ಆಯೋಜಿಸಿದ್ದ ಕ್ರೀಡಾಕೂಟದ ಸಮಾರೋಪ ಸಮಾರಂಭದಲ್ಲಿ ಭಾರತ ಸೇನೆಯ ಶೌರ್ಯ ಚಕ್ರ ಪುರಸ್ಕೃತ 44ನೇ ರಾಷ್ಟ್ರೀಯ ರೈಫ‌ಲ್ಸ್‌ನ ಯೋಧ ಪೊನ್ನಂಪೇಟೆಯ ಎಚ್‌.ಎನ್‌.ಮಹೇಶ್‌ ಹಾಗೂ ಕೂತಿ ಗ್ರಾಮದ ಆ್ಯತ್ಲೆಟ್‌ ರಾಶಿ ಅವರನ್ನು ಸಮ್ಮಾನಿಸಲಾಯಿತು.

ಅಸೋಸಿಯೇಷನ್‌ ಅಧ್ಯಕ್ಷ ಯಶವಂತ್‌ಗೌಡ, ಮಹಾ ಪೋಷಕರಾದ ಬೆಳ್ಳಿಗೌಡ, ಹರಪಳ್ಳಿ ರವೀಂದ್ರ, ಕೊತ್ನಳ್ಳಿ ಅರುಣ್‌, ಪ್ರಮುಖರಾದ ಗಿರೀಶ್‌ ಮಲ್ಲಪ್ಪ, ಅಜಿತ್‌ ಹಾನಗಲ್‌, ಮಂಜೂರು ತಮ್ಮಣ್ಣಿ, ಬಿ.ಜೆ.ದೀಪಕ್‌, ಶ್ರೀನಿಧಿ ಲಿಂಗಪ್ಪ, ನಂದಿನಿ ಮೊದಲಾದವರು ಉಪಸ್ಥಿತರಿದ್ದರು.