“ಯೋಧರ ಸಾವಿಗೆ ಕೇಂದ್ರ ಸರಕಾರವೇ ಹೊಣೆ’

ಉಡುಪಿ: ಛತ್ತೀಸ್‌ಗಢದ ಸುಖ್ಮಾ ಜಿಲ್ಲೆಯಲ್ಲಿ ನಕ್ಸಲರ ಗುಂಡಿಗೆ ಬಲಿಯಾದ 26 ಯೋಧರ ಸಾವಿಗೆ ಕೇಂದ್ರ ಸರಕಾರವೇ ನೇರ ಹೊಣೆ ಎಂದು ಉಡುಪಿ ಬ್ಲಾಕ್‌ ಕಾಂಗ್ರೆಸ್‌ ಅಧ್ಯಕ್ಷ ಸತೀಶ್‌ ಅಮಿನ್‌ ಪಡುಕರೆ ಆರೋಪಿಸಿದರು.

ಅವರು ಎ. 26ರಂದು ಉಡುಪಿ ಸರ್ವಿಸ್‌ ಬಸ್‌ ನಿಲ್ದಾಣದ ಬಳಿ ನಕ್ಸಲ್‌ ದಾಳಿಗೆ ಬಲಿಯಾಗಿ ಹುತಾತ್ಮಧಿರಾದ ಯೋಧರಿಗೆ ಮೇಣದ ಬತ್ತಿ ಹಚ್ಚಿ ಶ್ರದ್ಧಾಂಜಲಿ ಅರ್ಪಿಸಿ ಮಾತಧಿನಾಡಿದರು. ಕೇಂದ್ರ ಸರಕಾರದ ಆಂತರಿಕ ಆಡಳಿತ ಮತ್ತು ಗುಪ್ತಚರ ಇಲಾಖೆಯ ವೈಫ‌ಲ್ಯದಿಂದ ವೀರಯೋಧರು ಬಲಿಧಿಯಾಗಬೇಕಾಯಿತು. ದೇಶ ರಕ್ಷಕರಿಗೆ ರಕ್ಷಣೆ ಕೊಡದ ಕೇಂದ್ರ ಸರಕಾರದ ಇದೇ ವೈಖರಿ ಮುಂದುವರಿದರೆ ಮುಂದೆ ಉಗ್ರ ಹೋರಾಟವನ್ನು ಮಾಡಧಿಬೇಕಾಗುತ್ತದೆ ಎಂದು ಅವರು ಕೇಂದ್ರ ಸರಕಾರಕ್ಕೆ ಎಚ್ಚರಿಕೆ ನೀಡಿದರು.

ಶ್ರದ್ಧಾಂಜಲಿ ಸಭೆಯಲ್ಲಿ ಉಡುಪಿ ನಗರಸಭೆಯ ಅಧ್ಯಕ್ಷರಾದ ಮೀನಾಕ್ಷಿ ಮಾಧವ ಬನ್ನಂಜೆ, ಕಾಂಗ್ರೆಸ್‌ ನಾಯಕರಾದ ಕಿಶನ್‌ ಹೆಗ್ಡೆ ಕೊಳ್ಕೆ ಬೈಲ್‌, ಯತೀಶ್‌ ಕರ್ಕೇರ, ಜ್ಯೋತಿ ಹೆಬ್ಟಾರ್‌, ಉದ್ಯಾವರ ನಾಗೇಶ್‌, ಅಮೃತ್‌ ಶೆಣೈ, ಹರೀಶ್‌ ಕಿಣಿ, ದಿನೇಶ್‌ ಪುತ್ರನ್‌, ಪ್ರಖ್ಯಾತ್‌ ಶೆಟ್ಟಿ, ಕೇಶವ ಕೋಟ್ಯಾನ್‌, ಮುರಳಿ ಶೆಟ್ಟಿ, ಧನಂಜಯ ಕುಮಾರ್‌, ಚಂದ್ರಿಕಾ ಶೆಟ್ಟಿ, ಕೀರ್ತಿ ಶೆಟ್ಟಿ, ಪ್ರಶಾಂತ ಪೂಜಾರಿ, ನೀರಜ್‌ ಪಾಟೀಲ್‌, ಚಂದ್ರಕಾಂತ್‌, ನಾರಾಯಣ್‌, ರಮೇಶ್‌ ಕಾಂಚನ್‌, ಸುಖೇಶ್‌ ಕುಂದರ್‌ ಮತ್ತಿತರರು ಉಪಸ್ಥಿತರಿದ್ದರು.