ಬಿಜೆಪಿ ಅಧಿಕಾರಕ್ಕೆ ಬರಲು ಕಾಲ ಮಿಂಚಿಲ್ಲ

ಹುಬ್ಬಳ್ಳಿ: “ಪಕ್ಷದಲ್ಲಿ ನಾನು ಸಂಪೂರ್ಣ ಸಕ್ರಿಯವಾಗಿದ್ದೇನೆ. ರಾಜ್ಯದಲ್ಲಿ ಬಿಜೆಪಿ ಅಧಿಕಾರಕ್ಕೆ ಬರಬೇಕೆಂಬುದು ಜನರ ಅಪೇಕ್ಷೆ ಆಗಿತ್ತು. ಆದರೆ, ಸ್ವಲ್ಪದರಲ್ಲಿಯೇ ಅದು ಮಿಸ್‌ ಆಯಿತು. ಮುಂದಿನ ದಿನಗಳಲ್ಲಿ ಕಾಲವೇ ಈ ಕುರಿತು ನಿರ್ಣಯಿಸಲಿದೆ’ ಎಂದು ಮಾಜಿ ಸಚಿವ ಜನಾರ್ದನ ರೆಡ್ಡಿ ಹೇಳಿದರು.

ಶನಿವಾರ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಬಿಜೆಪಿಗೆ ಜನರ ಆಶೀರ್ವಾದವಿದೆ. ಜಸ್ಟ್‌ ಮಿಸ್‌ ಆಗಿದ್ದರಿಂದ
ಅಧಿಕಾರದಿಂದ ದೂರ ಉಳಿಯಿತು. ಈಗಲೂ ಕಾಲ ಮಿಂಚಿಲ್ಲ. ಮುಂದಿನ ದಿನಗಳವರೆಗೆ ಕಾಯೋಣ ಎಂದರು. 

ರಾಜ್ಯ ಸರಕಾರ ಬಗ್ಗೆ ಸ್ವಲ್ಪ ದಿನ ಬಿಟ್ಟು ಮಾತನಾಡುತ್ತೇನೆ. ಮುಖ್ಯಮಂತ್ರಿ ಕುಮಾರಸ್ವಾಮಿ ಆಡಳಿತ ನಡೆಸುತ್ತಿದ್ದು, ಈಗ 100 ದಿನವಾಗಿದೆ. ಹೀಗಾಗಿ,ಅವರ ಬಗ್ಗೆ ಈಗಲೇ ಮಾತನಾಡೋದು ಸರಿಯಲ್ಲ.ಇನ್ನೂ ಸ್ವಲ್ಪ ದಿನ ಅವರಿಗೂ ಅವಕಾಶ ಕೊಡೋಣ.

ನಂತರ ಮಾತನಾಡುವುದು ಒಳ್ಳೆಯದು. ಅವರು ದೇವಸ್ಥಾನಗಳಿಗೆ ಭೇಟಿ ಕೊಡುವುದನ್ನು ಮುಂದುವರಿಸಲಿ. ಜನರು ಇದನ್ನೆಲ್ಲ ನೋಡುತ್ತಿದ್ದಾರೆ ಎಂದರು.