Belthangady ಮಾಂಗಲ್ಯ ಸರ ಇರಿಸಿದ್ದ ಬ್ಯಾಗ್‌ ಕಳವು

ಬೆಳ್ತಂಗಡಿ: ಮಾಂಗಲ್ಯ ಸರ ಇರಿಸಿದ್ದ ಬ್ಯಾಗ್‌ ಅನ್ನು ಕಳವು ಮಾಡಿದ ಘಟನೆ ಧರ್ಮಸ್ಥಳ ಪೊಲೀಸ್‌ ಠಾಣೆ ವ್ಯಾಪ್ತಿಯಲ್ಲಿ ನಡೆದಿದೆ.

ಬೆಂಗಳೂರು ಉತ್ತರದ ಹುಲಸೂರು ನಿವಾಸಿ ಶ್ರೀದೇವಿ (39) ಅವರು ಡಿ.18ರಂದು ಧರ್ಮಸ್ಥಳಕ್ಕೆ ತನ್ನ ಸ್ನೇಹಿತೆಯರ ಜತೆ ಯಾತ್ರಾರ್ಥಿಗಳಾಗಿ ಬಂದಿದ್ದು, ಬಳಿಕ ಸುಬ್ರಮಣ್ಯಕ್ಕೆ ಹೋಗಲು ಕೆಎಸ್ಸಾರ್ಟಿಸಿ ಬಸ್‌ ನಿಲ್ದಾಣದ ಬಳಿ ನಿಂತುಕೊಂಡಿದ್ದಾಗ, ಜನಸಂದಣಿಯಲ್ಲಿ ಮಾಂಗಲ್ಯ ಸರವನ್ನು ಇರಿಸಿದ ಪರ್ಸ್‌ ಅನ್ನು ಕಳ್ಳರು ಕಳವು ಮಾಡಿ ಹೋಗಿರುವುದಾಗಿ ದೂರು ದಾಖಲಾಗಿದೆ. ಕಳವಾದ ಸರದ ಮೌಲ್ಯ ಅಂದಾಜು 2 ಲಕ್ಷ ರೂ. ಎಂದು ದೂರಿನಲ್ಲಿ ತಿಳಿಸಲಾಗಿದೆ.