“ನಮ್ಮ ಕಲೆ, ಸಂಸ್ಕೃತಿಯ  ಅಭಿರುಚಿ ಬೆಳೆಯಲಿ’

ಪಡುಬಿದ್ರಿ: ಕಲೆ, ಸಂಸ್ಕೃತಿಯ ಬಗ್ಗೆ ನಮ್ಮಲ್ಲಿ ಅಭಿರುಚಿ ಬೆಳೆಯಬೇಕು ಎಂದು ಪಲಿಮಾರು ಸೈಂಟ್‌ ಪಿಯೂಷ್‌ ಚರ್ಚ್‌ನ ಧರ್ಮಗುರು ರೆ| ಫಾ| ರಾಕ್‌ ಡಿ’ಸೋಜ ಹೇಳಿದರು.

ಫೆ. 14ರಂದು ಪಲಿಮಾರು ಸೈಂಟ್‌ ಪಿಯೂಷ್‌ ಚರ್ಚ್‌ನ ಸಹಯೋಗದಲ್ಲಿ ಕಾಸರಗೋಡು ಶ್ರೀ ಗೋಪಾಲಕೃಷ್ಣ ಯಕ್ಷಗಾನ ಗೊಂಬೆಯಾಟ ಸಂಘದಿಂದ ಪಲಿಮಾರು ಸರಕಾರಿ ಪದವಿಪೂರ್ವ ಕಾಲೇಜಿನಲ್ಲಿ ಗುರುವಾರ ನಡೆದ ಗೊಂಬೆಯಾಟ ಪ್ರದರ್ಶನ ಉದ್ಘಾಟಿಸಿ ಅವರು ಮಾತನಾಡಿದರು.

ಗಮಕ, ಯಕ್ಷಗಾನ, ಹರಿಕಥೆ, ಗೊಂಬೆಯಾಟ ಮತ್ತಿತರ ಕಲಾ ಪ್ರಕಾರಗಳು ನಮ್ಮ ಸಂಸ್ಕೃತಿಯನ್ನು ಬೆಳೆಸುವ ಕಲೆಗಳಾಗಿವೆ. ಶ್ರೀ ಗೋಪಾಕೃಷ್ಣ ಯಕ್ಷಗಾನ ಗೊಂಬೆಯಾಟ ಸಂಘದ ರಮೇಶ್‌ ಕಾಸರಗೋಡು ಮುತುವರ್ಜಿಯಲ್ಲಿ  ಕ್ರಿಸ್ತ ಮಹಾತೆ¾ಯನ್ನು ಯಕ್ಷಗಾನ ಗೊಂಬೆಯಾಟ ರೂಪದಲ್ಲಿ ಪ್ರದರ್ಶಿಸಲು ಸಿದ್ಧತೆ   ನಡೆಯುತ್ತಿವೆ ಎಂದರು. 
  
ಕಾಲೇಜು ಅಭಿವೃದ್ಧಿ ಸಮಿತಿಯ ಉಪಾಧ್ಯಕ್ಷೆ ಗಾಯತ್ರಿ ಡಿ. ಪ್ರಭು, ಶ್ರೀ ಗೋಪಾಲಕೃಷ್ಣ ಯಕ್ಷಗಾನ ಗೊಂಬೆಯಾಟ ಸಂಘದ ಕೆ. ವಿ. ರಮೇಶ್‌ ಕಾಸರಗೋಡು, ಚರ್ಚ್‌ ಪಾಲನಾ ಮಂಡಳಿಯ ಉಪಾಧ್ಯಕ್ಷ ಡೈನಿ ಕುಟಿನ್ಹೊ ಉಪಸ್ಥಿತರಿದ್ದರು.   ಪ್ರಾಂಶುಪಾಲೆ ಗ್ರೆಟ್ಟಾ ಮೊರಾಸ್‌ ಸ್ವಾಗತಿಸಿದರು. ಜ್ಯೋತಿ ಪ್ರಾಸ್ತಾವಿಕವಾಗಿ ಮಾತನಾಡಿದರು. ಪ್ರೌಢಶಾಲಾ ಹಿರಿಯ ಸಹಶಿಕ್ಷಕಿ ಆಶಾ ವಂದಿಸಿದರು. ಈ ವೇಳೆ ನರಕಾಸುರ ವಧೆ ಹಾಗೂ ಗರುಡ ಗರ್ವಭಂಗ ಯಕ್ಷಗಾನ ಗೊಂಬೆಯಾಟ  ಪ್ರದರ್ಶಿಸಲಾಯಿತು.