ಇಬ್ಬರು ಮನೆಗಳ್ಳರ ಬಂಧನ

ಶಹಾಬಾದ: ನಗರದ ವಿವಿಧೆಡೆ ಮನೆ ಕಳ್ಳತನ ಮಾಡಿದ್ದ ಇಬ್ಬರು ಆರೋಪಿಗಳನ್ನು ಪೊಲೀಸರು ಬಂಧಿಸಿದ್ದು, 24ಗ್ರಾಂ ಬಂಗಾರದ ಆಭರಣ, ನಾಲ್ಕು ಮೊಬೈಲ್‌, ಒಂದು ಬೈಕ್‌ ವಶಪಡಿಸಿಕೊಂಡಿದ್ದಾರೆ.

ಕಲಬುರಗಿ ಸಮೀಪದ ತಾಜ್‌ಸುಲ್ತಾನಪುರ ನಿವಾಸಿಗಳಾದ ರಾಮು ಅಲಿಯಾಸ್‌ ರಾಮ್ಯಾ ಗಣಪತಿ ಕಾಳೆ, ರಘು ಅಲಿಯಾಸ್‌ ವಿಜ್ಯಾ ಸೂಪೆಪವಾರ ಬಂಧಿತ ಆರೋಪಿಗಳು.

ಇವರನ್ನು ನ್ಯಾಯಾಂಗ ವಶಕ್ಕೆ ಒಪ್ಪಿಸಲಾಗಿದೆ. ಡಿವೈಎಸ್‌ಪಿ ಉಮೇಶ ಚಿಕ್ಕಮಠ ಮಾರ್ಗದರ್ಶನದಲ್ಲಿ ಪಿಐ ಸಂತೋಷ ಹಳ್ಳೂರ್‌, ಪಿಎಸ್‌ಐಗಳಾದ ಅಶೋಕ ಪಾಟೀಲ, ಸುವರ್ಣಾ ಮಲಶೆಟ್ಟಿ ಮತ್ತು ಅಪರಾಧ ವಿಭಾಗದ ಸಿಬ್ಬಂದಿಗಳಾದ ಹುಸೇನಪಾಶಾ, ನಿಂಗನಗೌಡ ಪಾಟೀಲ, ಭೀಮಣ್ಣ, ಶ್ರೀಕಾಂತ, ಮಾಳಪ್ಪ ಪೂಜಾರಿ, ಕಾಮಯ್ಯ ಗುತ್ತೇದಾರ, ಸುಭಾಷ ತಂಡ ಆರೋಪಿಗಳನ್ನು ಪತ್ತೆ ಹಚ್ಚಿದೆ.