Gyanvapi Mosque ಸಂಪೂರ್ಣ ಸಮೀಕ್ಷೆಗೆ ಕೋರಿದ್ದ ಅರ್ಜಿ ವಜಾ!

ವಾರಾಣಸಿ: ಇಲ್ಲಿನ ವಿಶ್ವನಾಥ ಮಂದಿರಕ್ಕೆ ಹೊಂದಿ ಕೊಂಡಂತಿರುವ ಜ್ಞಾನವಾಪಿ ಮಸೀದಿಯ ಸಂಪೂರ್ಣ ಸಮೀಕ್ಷೆ ನಡೆಸಬೇಕು ಎಂದು ಕೋರಿ ಸಲ್ಲಿಸಲಾಗಿದ್ದ ಅರ್ಜಿಯನ್ನು ಗುರುವಾರ ಜಿಲ್ಲಾ ನ್ಯಾಯಾ ಲಯ ರದ್ದು ಮಾಡಿದೆ. ಮಸೀದಿಯ ಸಂಪೂರ್ಣ ಸಮೀಕ್ಷೆ ನಡೆಸಲು ಭಾರತೀಯ ಪುರಾತತ್ವ ಇಲಾಖೆಗೆ ಸೂಚಿಸಬೇಕು ಎಂದು ಹಿಂದೂ ಗುಂಪುಗಳು ಅರ್ಜಿ ಸಲ್ಲಿಸಿದ್ದವು. ಬಳಿಕ ಮಾತನಾಡಿದ ಹಿಂದೂಗಳ ಪರ ವಕೀಲ ವಿಜಯ್‌ ಶಂಕರ್‌ ರಸ್ತೋಗಿ, ನಾವು ಈ ಆದೇಶವನ್ನು ಹೈಕೋರ್ಟ್‌ನಲ್ಲಿ ಪ್ರಶ್ನಿಸುತ್ತೇವೆ. ಮೊದಲ ಎಎಸ್‌ಐ ಸಮೀಕ್ಷೆ ಸರಿಯಾಗಿ ನಡೆದಿಲ್ಲ. ನಮಗೆ ಸರಿಯಾದ ವರದಿ ನೀಡಿಲ್ಲ ಎಂದಿದ್ದಾರೆ.