ಕೋಚ್‌ ರವಿಶಾಸ್ತ್ರಿ ವಾರ್ಷಿಕ ವೇತನ 10 ಕೋಟಿ ರೂ.!

ಮುಂಬಯಿ: ಭಾರತ ಕ್ರಿಕೆಟ್‌ ತಂಡದ ತರಬೇತುದಾರ ಸ್ಥಾನ ಉಳಿಸಿಕೊಂಡಿರುವ ರವಿಶಾಸ್ತ್ರಿ ಅವರ ವಾರ್ಷಿಕ ವೇತನ ಈ ಬಾರಿ 10 ಕೋಟಿ ರೂ.ಗಳಿಗೆ ಏರಿದೆ. ಇದಕ್ಕೂ ಮುನ್ನ ಅವರ ವೇತನ 8 ಕೋಟಿ ರೂ. ಇತ್ತು. ವಿಶ್ವದ ಯಾವುದೇ ಕ್ರಿಕೆಟ್‌ ತರಬೇತುದಾರನಿಗೆ ಈ ಪ್ರಮಾಣದ ವೇತನ ಇಲ್ಲ.
ರವಿಶಾಸ್ತ್ರಿ ಜತೆಗೆ ಇತರ ಸಹಾಯಕ ಸಿಬಂದಿಗಳ ವೇತನದಲ್ಲೂ ಏರಿಕೆಯಾಗಿದೆ.

ಫೀಲ್ಡಿಂಗ್‌ ಕೋಚ್‌ ಆರ್‌. ಶ್ರೀಧರ್‌, ಬೌಲಿಂಗ್‌ ಕೋಚ್‌ ಭರತ್‌ ಅರುಣ್‌ ವೇತನ 3.5 ಕೋಟಿ ರೂ.ಗೇರಿದೆ. ನೂತನ ಬ್ಯಾಟಿಂಗ್‌ ಕೋಚ್‌ ವಿಕ್ರಮ್‌ ರಾಥೋಡ್‌ಗೆ 2.5ರಿಂದ 3 ಕೋಟಿ ರೂ. ವೇತನ ಸಿಗುವ ಸಾಧ್ಯತೆ ಇದೆ.