ಆಂಟಿಗೆ ಕಿಸ್ ಕೊಟ್ಟು ಕೋವಿಡ್ ಅಂಟಿಸಿಕೊಂಡ ರಸಿಕ ತಾತ!

ಪುತ್ತೂರು: ಈ ಕೋವಿಡ್ 19 ಸೋಂಕು ಬಂದಮೇಲೆ ಎಲ್ಲವೂ ಬದಲಾಗಿದೆ.

ಅದರಲ್ಲೂ ಜನಸಾಮಾನ್ಯರ ನಡವಳಿಕೆಗಳಲ್ಲಿ ಮಹತ್ತರವಾದ ಬದಲಾವಣೆಗೆ ಈ ಸೋಂಕು ಕಾರಣವಾಗಿದೆ.

ಮನೆಯಲ್ಲಿರುವ ಮಕ್ಕಳೊಂದಿಗೆ, ಹಿರಿಯರೊಂದಿಗೆ ಹಾಗೂ ನಮ್ಮ ಪ್ರೀತಿ ಪಾತ್ರರೊಂದಿಗೆ ಅನ್ಯೋನ್ಯವಾಗಿರಲೂ ಸಾವಿರ ಸಲ ಯೋಚಿಸುವ ಪರಿಸ್ಥಿತಿಯನ್ನು ಈ ಸೋಂಕು ತಂದೊಡ್ಡಿದೆ.

ಪರಿಸ್ಥಿತಿ ಹೀಗಿರುವಾಗ ರಸಿಕ ತಾತ ಒಬ್ಬರು ಮಹಿಳೆಯೊಬ್ಬರಿಗೆ ‘ಮುತ್ತು’ ನೀಡಿ ತಮಗೆ ಕೋವಿಡ್ 19 ಸೋಂಕು ಅಂಟಿಸಿಕೊಂಡಿರುವ ಘಟನೆಯೊಂದು ಇದೀಗ ಸ್ಥಳೀಯರ ಬಾಯಲ್ಲಿ ತಮಾಷೆಯ ವಿಷಯವಾಗಿ ಹರಿದಾಡುತ್ತಿದೆ.

ಇಷ್ಟಕ್ಕೂ ಈ ಘಾಟಿ ಮುದುನ ತನ್ನ ರಸಿಕತನದಿಂದಲೇ ಊರಲ್ಲಿ ಹೆಸರುವಾಸಿ. ಹೀಗೆ ಕಂಡ ಕಂಡ ಹೆಣ್ಣುಮಕ್ಕಳ ಮೇಲೆಲ್ಲಾ ಕಣ್ಣು ಹಾಕಲು ಹೋಗಿ ಈ ತಾತ ಊರವರಿಂದ ಅದೆಷ್ಟೋ ಸಲ ಉಗಿಸಿಕೊಂಡಿದ್ದಾರೆ ಕೂಡ!

ಇದೀಗ ಕೋವಿಡ್ ಕಾಲದಲ್ಲಿ ತನ್ನ ರಸಿಕತೆಯನ್ನು ತೋರಿಸಲು ಹೋಗಿ ಈ ತಾತಪ್ಪ ತಮಗರಿವಲ್ಲದಂತೆ ಸೋಂಕು ಅಂಟಿಸಿಕೊಂಡು ಆಸ್ಪತ್ರೆಗೆ ದಾಖಲಾಗಿದ್ದಾರೆ.

ವಿಷಯ ಏನಂದರೆ, ತಮ್ಮ ಎಂದಿನ ರಸಿಕತೆಯಲ್ಲಿ ತಾತ ಮಹಿಳೆಯೊಬ್ಬರಿಗೆ ಮುತ್ತಿಕ್ಕಿದ್ದಾರೆ. ಆದರೆ ಆ ಮಹಿಳೆಗೆ ಕೋವಿಡ್ ಸೋಂಕು ತಗಲಿತ್ತು. ಇದನ್ನು ಅರಿಯದೆ ಕಿಸ್ಮತ್ ಪರೀಕ್ಷಿಸಲು ಹೋಗಿದ್ದ ಈ ತಾತನಿಗೂ ಇದೀಗ ಕೋವಿಡ್ ಸೋಂಕು ತಗಲಿ ಅವರೀಗ ಆಸ್ಪತ್ರೆ ಸೇರುವಂತಾಗಿದೆ.

ಒಟ್ಟಿನಲ್ಲಿ ಈ ಮೊದಲೇ ತನ್ನ ಘಾಟಿತನದಿಂದ ಊರಲ್ಲೆಲ್ಲಾ ಚಿರಪರಿಚಿತರಾಗಿದ್ದ ಈ ವ್ಯಕ್ತಿ ಇದೀಗ ಕೋವಿಡ್ ಕಾಲದಲ್ಲಿ ‘ಕಿಸ್ಮತ್’ ಪರೀಕ್ಷೆಗೆ ಪ್ರಯತ್ನಿಸಿ ಊರಿನ ಯುವಕರ ವಲಯದಲ್ಲಿ ಭರ್ಜರಿ ಚರ್ಚೆಯ ವಸ್ತುವಾಗಿದ್ದಾರೆ.

ಒಟ್ಟಿನಲ್ಲಿ ಈ ಸಾಂಕ್ರಾಮಿಕ ಕಾಲದಲ್ಲಿ ಏನೇ ಮಾಡಿದರೂ ಎಚ್ಚರಿಕೆಯಿಂದರಬೇಕು ಎಂಬ ಪಾಠವನ್ನಂತು ಈ ತಾತ ಕಲಿಯುವಂತಾಗಿದೆ!