ಥಾಣೆ : ಮಾಲ್‌, ಹೊಟೇಲ್‌ ಬಳಿ ಚಿರತೆ ಪ್ರತ್ಯಕ್ಷ, ಜನರಲ್ಲಿ ಭೀತಿ

ಥಾಣೆ : ಇಲ್ಲಿನ ಜನಪ್ರಿಯ  ಶಾಪಿಂಗ್‌ ಮಾಲ್‌ ಮತ್ತು ಹೊಟೇಲೊಂದರ ಬಳಿ ಇಂದು ಬುಧವಾರ ಬೆಳಗ್ಗೆ  ಚಿರತೆಯೊಂದು ಪ್ರತ್ಯಕ್ಷವಾಯಿತು. ಅದನ್ನು ಕಂಡು ಜನರು ಭಯಭೀತರಾದರು.

ಕೋರಂ ಮಾಲ್‌ ನ ಪಾರ್ಕಿಂಗ್‌ ಪ್ರದೇಶದಲ್ಲಿ ಚಿರತೆ ಮೊದಲಾಗಿ ಕಂಡು ಬಂತು. ಒಡನೆಯೇ ಜನರಿಂದ ವಿಷಯ ತಿಳಿದ ಅರಣ್ಯಾಧಿಕಾರಿಗಳು ಸ್ಥಳಕ್ಕೆ ಧಾವಿಸಿ ಬಂದರು. ಸುಮಾರು ಮೂರು ತಾಸು ಕಾಲ ಸಮತಾನಗರ ಪ್ರದೇಶದಲ್ಲಿ ಓಡಾಡಿದ ಚಿರತೆ ಕೊನೆಗೆ ನಾಪತ್ತೆಯಾಯಿತು. 

ಆ ಮೇಲೆ ಅದು ಇದ್ದಕ್ಕಿದ್ದಂತೆ ಹೊಟೇಲ್‌ ಒಂದರ ಬೇಸ್‌ಮೆಂಟ್‌ನಲ್ಲಿ ಪತ್ತೆಯಾಯಿತು. ಅದನ್ನು ಸೆರೆ ಹಿಡಿಯುವ ಯತ್ನ ಈಗಲೂ ಸಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.