ಥಾಣೆಯಲ್ಲಿ ಬೆಂಕಿ ಅನಾಹುತ: 5 ಅಂಗಡಿ ಭಸ್ಮ, ಜೀವಹಾನಿ ಇಲ್ಲ

ಥಾಣೆ : ಇಲ್ಲಿಗೆ ಸಮೀಪದ ಮುರ್ಬಾದ್‌ ಪಟ್ಟಣದಲ್ಲಿ  ಸಂಭವಿಸಿದ ಅಗ್ನಿ ದುರಂತದಲ್ಲಿ ಐದು ಅಂಗಡಿಗಳು ಸುಟ್ಟು ಭಸ್ಮವಾದವು; ಆದರೆ ಯಾವುದೇ ಜೀವ ಹಾನಿಯಾದ ವರದಿಗಳಿಲ್ಲ.

ನಿನ್ನೆ ಶುಕ್ರವಾರ ರಾತ್ರಿ 11 ಗಂಟೆಯ ಹೊತ್ತಿಗೆ ಬೆಂಕಿ ದುರಂತ ಸಂಭವಿಸಿತ್ತು. ಇಂದು ನಸುಕಿನ 2 ಗಂಟೆಯ ಹೊತ್ತಿಗೆ ಬೆಂಕಿಯನ್ನು ಹತೋಟಿಗೆ ತರಲಾಯಿತು.

ಬೆಂಕಿ ದುರಂತ ಸಂಭವಿಸಿದ ಕಟ್ಟಡದ ನೆಲ ಮತ್ತು ಮೇಲಿನ ಅಂತಸ್ತಿನಲ್ಲಿದ್ದ ಐದು ಅಂಗಡಿಗಳು ಸುಟ್ಟು ಭಸ್ಮವಾದವು; ಬೆಂಕಿ ಅನಾಹುತಕ್ಕೆ ಕಾರಣವೇನು ಎಂಬುದನ್ನು ತಿಳಿಯಲು ತನಿಖೆಗೆ ಆದೇಶಿಸಲಾಗಿದೆ ಎಂದು ಮುರ್ಬಾದ್‌ ತಹಶೀಲ್ದಾರ ಸಚಿನ್‌ ಚೌಧರಿ ತಿಳಿಸಿದ್ದಾರೆ.