ಚೆನ್ನೈ: ದಳಪತಿ ವಿಜಯ್ ಅವರ ಬಹು ನಿರೀಕ್ಷಿತ ಪ್ಯಾನ್ ಇಂಡಿಯಾ ಸಿನಿಮಾ ‘ದಳಪತಿ 68’ ಅನೌನ್ಸ್ ಆದ ದಿನದಿಂದಲೇ ದೊಡ್ಡಮಟ್ಟದ ಹೈಪ್ ಕ್ರಿಯೇಟ್ ಮಾಡಿದೆ.
ವೆಂಕಟ್ ಪ್ರಭು – ದಳಪತಿ ವಿಜಯ್ ಕಾಂಬಿನೇಷನ್ ನಲ್ಲಿ ಬರುತ್ತಿರುವ ‘ದಳಪತಿ 68’ ಬಹು ನಿರೀಕ್ಷಿತ ಪ್ಯಾನ್ ಇಂಡಿಯಾ ಸಿನಿಮಾಗಳಲ್ಲೊಂದು.
ವಿಜಯ್ ಸಿನಿಮಾದಲ್ಲಿ ಅನ್ಯಭಾಷಾ ಸಿನಿರಂಗದ ಕಲಾವಿದರು ಇರುವುದು ಹೊಸತಲ್ಲ. ಅವರ ‘ಲಿಯೋ’ ಸಿನಿಮಾದಲ್ಲಿ ಸಂಜಯ್ ದತ್ ಇರುವುದು ಈಗಾಗಲೇ ಗೊತ್ತಿರುವ ವಿಚಾರ. ಇದೀಗ ಅವರ ಮುಂದಿನ ಸಿನಿಮಾದಲ್ಲೂ ಬಾಲಿವುಡ್ ನ ಖ್ಯಾತ ನಟರೊಬ್ಬರು ನಟಿಸಲಿದ್ದಾರೆ ಎನ್ನಲಾಗುತ್ತಿದೆ.
ಇದನ್ನೂ ಓದಿ: Thalaivar 170: ರಜಿನಿಕಾಂತ್‌ ಸಿನಿಮಾಕ್ಕೆ ಅಮಿತಾಭ್‌, ಫಾಹದ್‌ ಜತೆ ಮತ್ತಿಬ್ಬರು ಎಂಟ್ರಿ
‘ದಳಪತಿ 68’ ಸಿನಿಮಾವನ್ನು ಎಜಿಎಸ್ ಎಂಟರ್ಟೈನ್ ಮೆಂಟ್ ನಿರ್ಮಾಣ ಮಾಡಲಿದೆ. ಇತ್ತೀಚೆಗೆ ನಿರ್ಮಾಣ ಸಂಸ್ಥೆಯ ಐಶ್ವರ್ಯ ಕಲ್ಪಾತಿ ಅವರು ಮುಂಬಯಿಯಲ್ಲಿ ನಟ ಆಮಿರ್ ಖಾನ್ ಅವರನ್ನು ಭೇಟಿಯಾಗಿದ್ದಾರೆ. ಮೂಲಗಳ ಪ್ರಕಾರ ಆಮಿರ್ ಖಾನ್ ವಿಜಯ್ ಅವರ ಸಿನಿಮಾದಲ್ಲಿ ವಿಶೇಷ ಪಾತ್ರದಲ್ಲಿ ನಟಿಸಲಿದ್ದಾರೆ ಎನ್ನಲಾಗಿದೆ.
ಒಂದು ವೇಳೆ ಇದು ಅಧಿಕೃತವಾದರೆ ಶಾರುಖ್ ಖಾನ್, ಸಂಜಯ್ ದತ್, ಇಮ್ರಾನ್ ಹಶ್ಮಿ, ಅರ್ಜುನ್ ರಾಂಪಾಲ್, ಜಾಕಿ ಶ್ರಾಫ್ ಅವರು ದಕ್ಷಿಣದ ಸಿನಿಮಾದಲ್ಲಿ ಕಾಣಿಸಿಕೊಂಡಂತೆ ಮೊದಲ ಬಾರಿ ಆಮಿರ್ ಖಾನ್ ಕಾಣಿಸಿಕೊಳ್ಳಲಿದ್ದಾರೆ.
ಪ್ರಿಯಾಂಕಾ ಅರುಳ್ ಮೋಹನ್ ನಾಯಕಿ ಪ್ರಭುದೇವ, ಸಿಮ್ರಾನ್ ಮತ್ತು ಇತರರು ಸಿನಿಮಾದಲ್ಲಿ ನಟಿಸುವ ಕುರಿತು ಈಗಾಗಲೇ ಮಾತುಕತೆ ನಡೆದಿದೆ. ಆದರೆ ಅಧಿಕೃತವಾಗಿ ಪಾತ್ರವರ್ಗದ ಘೋಷನೆ ಇನ್ನಷ್ಟೇ ಆಗಬೇಕಿದೆ.
