ವಾಷಿಂಗ್ಟನ್: ಮಹಿಳೆಯರಂತೆ ಬಟ್ಟೆ ಧರಿಸಿಕೊಂಡು ಶೌಚಾಲಯದಲ್ಲಿ ಯುವತಿಯರ ಫೋಟೋ ಕ್ಲಿಕ್ಕಿಸುತ್ತಿದ್ದ ವ್ಯಕ್ತಿಯನ್ನು ಪೊಲೀಸರು ಬಂಧಿಸಿದ್ದಾರೆ.
ಟೆಕ್ಸಾಸ್‌ ಮೂಲದ 45 ವರ್ಷದ ಡೌಗ್ಲಾಸ್ ಈಗನ್ ಬಂಧಿತ ವ್ಯಕ್ತಿ. ಈತ ಮಹಿಳೆಯರಂತೆ ಬಟ್ಟೆಗಳನ್ನು ಧರಿಸಿ, ಥೇಟು ಮಹಿಳೆಯರಂತೆ ಕಾಣಿಸಿಕೊಂಡು ಮಾಲ್‌ ಗಳಲ್ಲಿ ಮಹಿಳಾ ಶೌಚಾಯಲಯಗಳಲ್ಲಿ ಫೋಟೋಗಳನ್ನು ಕ್ಲಿಕ್ಕಿಸುತ್ತಿದ್ದ ಎಂದು ವರದಿ ತಿಳಿಸಿದೆ.
ಇತ್ತೀಚೆಗೆ ಮಹಿಳೆಯೊಬ್ಬರು ಶೌಚಾಯಲಯದ ಬಾಗಿಲಿನ ಕೆಳಗಿರುವ ಜಾಗದಲ್ಲಿ ಮೊಬೈಲ್‌ ಗಮನಿಸಿದ್ದಾರೆ. ಕೂಡಲೇ ಸಂಶಯಗೊಂಡು ಹೊರ ಬಂದು ನೋಡಿದಾಗ, ಹೆಣ್ಣಿನ ವೇಷ ಭೂಷಣ ತೊಟ್ಟಿರುವ ವ್ಯಕ್ತಿಯನ್ನುಗಮನಿಸಿದ್ದರು. ಮಹಿಳೆಯನ್ನು ನೋಡಿದ ತಕ್ಷಣ ಡೌಗ್ಲಾಸ್ ಈಗನ್ ಅಲ್ಲಿಂದ ಓಡಲು ಯತ್ನಿಸಿದ್ದಾನೆ.
ಜನ ನೋಡುತ್ತಿದ್ದಂತೆಯೇ ಡೌಗ್ಲಾಸ್ ಈಗನ್ ಓಡಲು ಯತ್ನಿಸಿದ್ದಾನೆ. ಭೀತಿ ಹುಟ್ಟಿಸಲು ತನ್ನಲ್ಲಿದ್ದ ಗನ್‌ ತೋರಿಸಿ ಹೆದರಿಸಿದ್ದಾನೆ. ನಂತರ ಪೊಲೀಸರು ಮಾಹಿತಿ ಪಡೆದು ಆರೋಪಿಯನ್ನು ಬಂಧಿಸಿದ್ದಾರೆ. ಆತನ ಬಳಿ ಇದ್ದದ್ದು ಪೇಪರ್‌ ಬಾಲ್ ಗನ್‌ ಅಂದರೆ ಆಟಿಕೆ ಗನ್‌ ಎಂದು ಪೊಲೀಸರು ತಿಳಿಸಿದ್ದಾರೆ.
