ಟೆಸ್ಟ್‌ : ಬಾಂಗ್ಲಾದೇಶಕ್ಕೆ ಇನ್ನಿಂಗ್ಸ್‌ ಗೆಲುವು

ಢಾಕಾ: ಪ್ರವಾಸಿ ಜಿಂಬಾಬ್ವೆ ಎದುರಿನ ಏಕೈಕ ಟೆಸ್ಟ್‌ ಪಂದ್ಯವನ್ನು ಬಾಂಗ್ಲಾದೇಶ ಇನ್ನಿಂಗ್ಸ್‌ ಹಾಗೂ 106 ರನ್ನುಗಳ ಅಂತರದಿಂದ ಜಯಿಸಿದೆ.

295 ರನ್ನುಗಳ ಭಾರೀ ಹಿನ್ನಡೆಗೆ ಸಿಲುಕಿದ ಜಿಂಬಾಬ್ವೆ, ಮಂಗಳವಾರ 189ಕ್ಕೆ ತನ್ನ ದ್ವಿತೀಯ ಸರದಿಯನ್ನು ಮುಗಿಸಿತು. ಸ್ಪಿನ್ನರ್‌ಗಳಾದ ನಯೀಮ್‌ ಹಸನ್‌ (5 ವಿಕೆಟ್‌) ಮತ್ತು ತೈಜುಲ್‌ ಹಸನ್‌ (4 ವಿಕೆಟ್‌) ಜಿಂಬಾಬ್ವೆ ಕುಸಿತದಲ್ಲಿ ಪ್ರಮುಖ ಪಾತ್ರ ವಹಿಸಿದರು. 43 ರನ್‌ ಮಾಡಿದ ನಾಯಕ ಕ್ರೆಗ್‌ ಇರ್ವಿನ್‌ ಅವರದೇ ಜಿಂಬಾಬ್ವೆ ಸರದಿಯ ಸರ್ವಾಧಿಕ ವೈಯಕ್ತಿಕ ಗಳಿಕೆ. ಇರ್ವಿನ್‌ ಮೊದಲ ಇನ್ನಿಂಗ್ಸ್‌ನಲ್ಲಿ 107 ರನ್‌ ಬಾರಿಸಿದ್ದರು.

ಜಿಂಬಾಬ್ವೆಯ 265 ರನ್ನುಗಳ ಮೊದಲ ಇನ್ನಿಂಗ್ಸಿಗೆ ಉತ್ತರವಾಗಿ ಬಾಂಗ್ಲಾದೇಶ 6ಕ್ಕೆ 560 ರನ್‌ ಪೇರಿಸಿ ಡಿಕ್ಲೇರ್‌ ಮಾಡಿತ್ತು. ದ್ವಿಶತಕ ಬಾರಿಸಿದ ಮುಶ್ಫಿಕರ್‌ ರಹೀಂ ಪಂದ್ಯಶ್ರೇಷ್ಠ ಗೌರವಕ್ಕೆ ಪಾತ್ರರಾದರು.

ಸಂಕ್ಷಿಪ್ತ ಸ್ಕೋರ್‌: ಜಿಂಬಾಬ್ವೆ-265 ಮತ್ತು 189 (ಇರ್ವಿನ್‌ 43, ಮರುಮ 41, ರಾಜ 37, ನಯೀಮ್‌ 82ಕ್ಕೆ 5, ತೈಜುಲ್‌ 78ಕ್ಕೆ 4). ಬಾಂಗ್ಲಾದೇಶ-6 ವಿಕೆಟಿಗೆ 560 ಡಿಕ್ಲೇರ್‌. ಪಂದ್ಯಶ್ರೇಷ್ಠ: ಮುಶ್ಫಿಕರ್‌ ರಹೀಂ.