ಗುರ್ಮೀತ್‌ನ ಆಶ್ರಮದಲ್ಲಿ ಅಕ್ರಮ ಗರ್ಭಪಾತ?

ಸಿರ್ಸಾ: ಬಂಧಿತ ರಾಮ್‌ ರಹೀಂನ ಡೇರಾ ಸಚ್ಛಾ ಸೌದಾ ಆಶ್ರಮದೊಳಗಿದ್ದ ಆಸ್ಪತ್ರೆಯಲ್ಲಿ ಅಕ್ರಮ ಗರ್ಭಪಾತ ನಡೆಸಲಾಗುತ್ತಿತ್ತು ಎಂಬ ವಿಚಾರ ಶೋಧ ಕಾರ್ಯದ ವೇಳೆ ಬೆಳಕಿಗೆ ಬಂದಿದೆ. ಶಾ ಸಂತ್ನಾಂ ಜಿ ಸುಪರ್‌ ಸ್ಪೆಷಾಲಿಟಿ ಆಸ್ಪತ್ರೆಯ 2015ರ ದಾಖಲೆಗಳಲ್ಲಿ ಅನುಮಾನಾಸ್ಪದ ವಿಚಾರಗಳು ಗೋಚರಿಸಿವೆ. 

ಆಸ್ಪತ್ರೆಯಲ್ಲಿ ವೈದ್ಯಕೀಯ ಗರ್ಭಪಾತ ನಿಯಮ ಪಾಲಿಸುತ್ತಿಲ್ಲ ಮತ್ತು ವೈದ್ಯಕೀಯ ಕ್ಷೇತ್ರಕ್ಕೆ ಸಂಬಂಧಿಸಿ ಹಲವು ಅಕ್ರಮಗಳು ನಡೆಯುತ್ತಿವೆ ಎಂಬ ಸುಳಿವು ಸಿಕ್ಕ ಹಿನ್ನೆಲೆಯಲ್ಲಿ ತನಿಖೆ ಆರಂಭಿಸಲಾಗಿದೆ ಎಂದು ಜಿಲ್ಲಾಧಿಕಾರಿ ಪ್ರಬ್ಜೋತ್ ಸಿಂಗ್‌ ಹೇಳಿದ್ದಾರೆ. ಈ ಹಿಂದೆ ಅಕ್ರಮ ಗರ್ಭಪಾತಕ್ಕೆ ಸಂಬಂಧಿಸಿದಂತೆ ಡೇರಾ ವಿರುದ್ಧ 6 ಮೊಕದ್ದಮೆ ದಾಖಲಾಗಿದ್ದವು ಎಂದು ಸರ್ಕಾರದ ಮೂಲಗಳು ಹೇಳಿವೆ.