Tennis; ಮೊದಲ ಸುತ್ತಿನಲ್ಲೇ ಸೋಲನುಭವಿಸಿ ಹೊರಬಿದ್ದ ಸುಮಿತ್‌ ನಾಗಲ್‌

ವಿನ್‌ಸ್ಟನ್‌ ಸಲೇಮ್‌ (ನಾರ್ತ್‌ ಕ್ಯಾಲಿಫೋರ್ನಿಯಾ): ಭಾರತದ ಸುಮಿತ್‌ ನಾಗಲ್‌ “ವಿನ್‌ಸ್ಟನ್‌ ಸಲೇಮ್‌ ಓಪನ್‌ ಎಟಿಪಿ-250′ ಪಂದ್ಯಾವಳಿಯ ಮೊದಲ ಸುತ್ತಿನಲ್ಲೇ ಸೋಲನುಭವಿಸಿ ಹೊರಬಿದ್ದಿದ್ದಾರೆ. ಕ್ರೊವೇಶಿಯಾದ ಬೋರ್ನ ಕೊರಿಕ್‌ ವಿರುದ್ಧದ ಪಂದ್ಯವನ್ನು ಸುಮಿತ್‌ 4-6, 2-6ರಿಂದ ಕಳೆದುಕೊಂಡರು.

ಡಬಲ್ಸ್‌ನಲ್ಲಿ ಮಾಜಿ ಜೂನಿಯರ್‌ ನ್ಯಾಶನಲ್‌ ಚಾಂಪಿಯನ್‌ ದಕ್ಷಿಣೇಶ್ವರ್‌ ಸುರೇಶ್‌ ಬ್ರಿಟನ್‌ನ ಲೂಕಾ ಪೌ ಜತೆಗೂಡಿ ಆಡಲಿದ್ದಾರೆ. ಸುರೇಶ್‌ ಸಿಂಗಲ್ಸ್‌ನಲ್ಲಿ ಅರ್ಹತೆ ಸಂಪಾದಿಸಲು ವಿಫ‌ಲರಾಗಿದ್ದರು. ದ್ವಿತೀಯ ಸುತ್ತಿನ ಅರ್ಹತಾ ಪಂದ್ಯದಲ್ಲಿ ಅವರು ಅಮೆರಿಕದ ಲರ್ನರ್‌ ಟೀನ್‌ ವಿರುದ್ಧ ಪರಾಭವಗೊಂಡರು.