ಹೈದರಾಬಾದ್: ಕೋವಿಡ್ 19 ಮಾರಣಾಂತಿಕ ಸೋಂಕಿನಿಂದ ತೆಲುಗು ನಟ, ಸಿನಿಮಾ ಪತ್ರಕರ್ತ ತುಮ್ಮಲಾ ನರಸಿಂಹ ರೆಡ್ಡಿ ಸೋಮವಾರ (ಮೇ 10) ಬೆಳಗ್ಗೆ ಹೈದರಾಬಾದ್ ನಲ್ಲಿ ಸಾವನ್ನಪ್ಪಿರುವುದಾಗಿ ಮೂಲಗಳು ತಿಳಿಸಿವೆ.
ಇದನ್ನೂ ಓದಿ:
ತೆಲುಗು ಚಿತ್ರರಂಗದಲ್ಲಿ ಟಿಎನ್ ಆರ್ ಎಂದೇ ಜನಪ್ರಿಯರಾಗಿದ್ದು, ಉಮಾ ಮಹೇಶ್ವರ್ ಉಗ್ರ ರೂಪಸ್ಯಾ, ಎಚ್ ಐಟಿ, ಫಾಲ್ಕನುಮಾ ದಾಸ್, ಜಾರ್ಜ್ ರೆಡ್ಡಿ ಸೇರಿದಂತೆ ಹಲವು ಸಿನಿಮಾಗಳಲ್ಲಿ ನಟಿಸಿದ್ದರು. ಅಷ್ಟೇ ಅಲ್ಲ ಯೂಟ್ಯೂಬ್ ನ ಫ್ರಾಂಕ್ಲಿ ವಿತ್ ಟಿಎನ್ ಆರ್ ಶೋ ಕೂಡಾ ಅತ್ಯಂತ ಜನಪ್ರಿಯವಾಗಿತ್ತು.
“ಟಿಎನ್ ಆರ್ ಗಾರು ನಿಧನರಾದರೆಂಬ ಸುದ್ದಿ ಆಘಾತಕಾರಿಯಾಗಿದ್ದು, ತಮ್ಮ ಅದ್ಭುತವಾದ ಸಂಶೋಧನೆ, ಮಾಹಿತಿ ಕಲೆ ಹಾಕುವ ಮೂಲಕ ಜನಪ್ರಿಯ ಅತಿಥಿಗಳ ಸಂದರ್ಶನ ಮಾಡುವ ಮೂಲಕ ತಮ್ಮ ಪ್ರತಿಭೆಯನ್ನು ತೋರಿಸಿಕೊಟ್ಟಿದ್ದರು, ಅವರ ಕುಟುಂಬಕ್ಕೆ ದುಃಖ ಸಹಿಸುವ ಶಕ್ತಿ ದೊರೆಯಲಿ ಎಂದು ನಟ ನಾನಿ ಟ್ವೀಟ್ ಮೂಲಕ ತಿಳಿಸಿದ್ದಾರೆ.
“ಟಿಎನ್ ಆರ್ ಸಾವಿನ ಸುದ್ದಿಯನ್ನು ನಂಬಲು ಸಾಧ್ಯವಿಲ್ಲ. ಇದನ್ನು ಸಹಿಸಿಕೊಳ್ಳೋದು ಕೂಡಾ ಕಷ್ಟವಾಗಿದೆ. ನಾನು ನನ್ನ ಗೆಳೆಯನನ್ನು ಕಳೆದುಕೊಂಡಿದ್ದು, ತೀವ್ರ ಸಂತಾಪ ವ್ಯಕ್ತಪಡಿಸುವುದಾಗಿ ನಿರ್ದೇಶಕ ಮಾರುತಿ ಟ್ವೀಟ್ ನಲ್ಲಿ ತಿಳಿಸಿದ್ದಾರೆ.
