Advertisement
– ಕೋವಿಡ್-19 ಕಾಲದಲ್ಲಿ ಕೊಲ್ಲಿ ದೇಶ ಕತಾರ್‌ನಲ್ಲಿ ಸಿಲುಕಿರುವ ಕನ್ನಡಿಗರ ಕಣ್ಣೀರಿನ ಕಥೆಗಳಿವು.ಇಂತಹ ನೂರಾರು ಪ್ರಕರಣಗಳನ್ನು ಈ ಲಾಕ್‌ಡೌನ್‌ ಅವಧಿಯಲ್ಲಿ ಕಾಣಬಹುದು.
ಈಗಿರುವ ಲಾಕ್‌ಡೌನ್‌ ನಿಯಮಗಳ ಪ್ರಕಾರ ಬೇರೆಡೆ ಸಾವಿಗೀಡಾದ ವ್ಯಕ್ತಿಯ ಮೃತದೇಹವನ್ನು ಇನ್ನೊಂದೆಡೆಗೆ ಒಯ್ಯಲು ಅವಕಾಶವಿಲ್ಲ. ಮೇ 22ರಂದು ಕತಾರ್‌ನಿಂದ ಬೆಂಗಳೂರಿಗೆ ವಂದೇ ಭಾರತ ಮಿಷನ್‌ ಅಡಿ ವಿಮಾನ ಆಗಮಿಸಲಿದೆ. ಆದರೆ ಮೃತ ಪತಿಯ ಶವ ಸಾಗಿಸಲು ಪತ್ನಿಗೆ ಏರ್‌ ಇಂಡಿಯಾ ಅನುಮತಿ ನೀಡುತ್ತಿಲ್ಲ.
Related Articles
ಅದೇ ರೀತಿ ಬಿಝಿನೆಸ್‌ ವೀಸಾ ಮೇಲೆ ಕತಾರಿಗೆ ತೆರಳಿದ್ದ ವ್ಯಕ್ತಿಯ ವೀಸಾ ಅವಧಿ ಮುಗಿದ ಕಾರಣ ಕತಾರ್‌ನಿಂದ ಅವರು ಚಿಕ್ಕಮಗಳೂರಿಗೆ ಬಂದಿದ್ದಾರೆ. ಈಗ ಕತಾರ್‌ನಲ್ಲೇ ಇರುವ 33 ವಾರ ತುಂಬಿರುವ ಗರ್ಭಿಣಿಯು ಪತಿಗಾಗಿ ಕಾಯುತ್ತಿದ್ದಾರೆ. ಆದರೆ ಚಿಕ್ಕಮಗಳೂರಿನಲ್ಲಿ ಬಾಕಿಯಾಗಿರುವ ಪತಿಗೆ ವಾಪಸ್‌ ಹೋಗಲು ವಿಮಾನ ವ್ಯವಸ್ಥೆ ಇಲ್ಲ. ಇನ್ನೊಂದು ವಾರ ಕಳೆದರೆ ಗರ್ಭಿಣಿ ಪತ್ನಿಗೆ ಪ್ರಯಾಣ ಮಾಡಲು ಸಾಧ್ಯವಾಗುವುದಿಲ್ಲ.
Advertisement
ಮಗನ ಸಾವು ಕೇಳಿ ಕಂಗಾಲಾದ ತಂದೆಕೋಲಾರದ ಶ್ರೀನಿವಾಸ ಗೌಡ ಕತಾರ್‌ನಲ್ಲಿದ್ದಾರೆ. ಅವರ ಮಗ ಸ್ನೇಹಿತರ ಜತೆ ಈಜಲು ಹೋಗಿ ಬಾವಿಯಲ್ಲಿ ಮುಳುಗಿ ಜೀವ ಕಳೆದುಕೊಂಡಿದ್ದಾನೆ. ಮಗನ ಸಾವಿನ ಸುದ್ದಿ ಕೇಳಿ ತಂದೆಗೆ ದಿಕ್ಕು ತೋಚ ದಂತಾಗಿದೆ. ಮಗನ ಅಂತ್ಯಸಂಸ್ಕಾರ ನಡೆದಿದ್ದರೂ ಶ್ರೀನಿವಾಸ ಗೌಡರು ವಿದೇಶದಿಂದ ಹಿಂದಿರುಗಲು ಹಿಂದೆಮುಂದೆ ನೋಡುವಂತಾಗಿದೆ. ಯಾಕೆಂದರೆ ಬಂದರೆ ಇಲ್ಲಿ ಕನಿಷ್ಠ 14 ದಿನ ಕ್ವಾರಂಟೈನ್‌ಗೆ ಒಳಪಡಬೇಕು. ತಂದೆ ಸತ್ತಾಗಲೂ ಬರಲಾಗದ ಸ್ಥಿತಿ
ಕತಾರ್‌ನಲ್ಲಿ ಉದ್ಯೋಗಿಯಾಗಿರುವ ಆನಂದ ಕೃಷ್ಣಮೂರ್ತಿ ಎನ್ನುವವರ ತಂದೆ ಶನಿವಾರ ಅಪಘಾತ ದಲ್ಲಿ ಸಾವಿಗೀಡಾಗಿದ್ದಾರೆ. ಆದರೆ ಒಬ್ಬನೇ ಮಗನಾಗಿಯೂ ತಂದೆಯ ಅಂತ್ಯಸಂಸ್ಕಾರದಲ್ಲಿ ಪಾಲ್ಗೊಳ್ಳಲಾಗದ ಸ್ಥಿತಿ ಆನಂದ ಕೃಷ್ಣಮೂರ್ತಿ ಅವರದು. ಮಲೇಶ್ಯಾ ಕನ್ನಡಿಗರ
ರಕ್ಷಣೆಗೆ ಒತ್ತಾಯ
ಮಲೇಶ್ಯಾದಲ್ಲಿ ಸುಮಾರು 200 ಕನ್ನಡಿಗರು ಸಿಲುಕಿದ್ದಾರೆ. ಅವರಿಗೆ ರಾಜ್ಯಕ್ಕೆ ವಾಪಸಾಗಲು ಯಾವುದೇ ವ್ಯವಸ್ಥೆ ಇಲ್ಲ. ವಂದೇ ಭಾರತ ಮಿಷನ್‌ 2ರಲ್ಲಿ ಮಲೇಶ್ಯಾದಿಂದ ಬೆಂಗಳೂರಿಗೆ ಒಂದು ವಿಮಾನ ವ್ಯವಸ್ಥೆ ಕಲ್ಪಿಸಲಾಗಿದ್ದು, ಅದರಲ್ಲಿ ಕೇವಲ 50 ಜನ ಕನ್ನಡಿಗರಿಗೆ ಮಾತ್ರ ಅವಕಾಶ ದೊರಕಿದೆ. ಉಳಿದವರು ಇನ್ನಿತರ ರಾಜ್ಯದವರು. ಈ ಬಗ್ಗೆ ಅಲ್ಲಿನ ಭಾರತೀಯ ರಾಯಭಾರಿ ಕಚೇರಿಗೆ ಕರೆ ಮಾಡಿದರೂ ಯಾವುದೇ ಸ್ಪಂದನೆ ಸಿಗುತ್ತಿಲ್ಲ. ಸಿಎಂ ಯಡಿಯೂರಪ್ಪ ಮತ್ತು ಕೇಂದ್ರ ಸಚಿವ ಸದಾನಂದ ಗೌಡ ಕೂಡಲೇ ಗಮನಹರಿಸಬೇಕು ಎಂದು ಮಲೇಶ್ಯಾದಲ್ಲಿ ಸಿಲುಕಿರುವ ಕನ್ನಡಿಗರು ಆಗ್ರಹಿಸಿದ್ದಾರೆ.