TCS: ನಿವ್ವಳ ಲಾಭ ಶೇ.8.7 ಹೆಚ್ಚಳ

ನವದೆಹಲಿ: ಐಟಿ ದಿಗ್ಗಜ ಟಾಟಾ ಕನ್ಸೆಲ್ಟೆನ್ಸಿ ಸರ್ವೀಸಸ್‌ ಸಂಸ್ಥೆಯ ಲಾಭವು ಸೆಪ್ಟೆಂಬರ್‌ಗೆ ಅಂತ್ಯಗೊಂಡ ತ್ತೈಮಾಸಿಕದಲ್ಲಿ ಶೇ.8.7ರಷ್ಟು ಹೆಚ್ಚಾಗಿದ್ದು, ಸಂಸ್ಥೆಯ ಈ ಅವಧಿಯ ನಿವ್ವಳ ಲಾಭ 11,342 ಕೋಟಿ ರೂ.ಗೆ ಏರಿಕೆಯಾಗಿದೆ. ಜುಲೈ-ಸೆಪ್ಟೆಂಬರ್‌ ತ್ತೈಮಾಸಿಕದ ವರದಿಯನ್ನು ಬುಧವಾರ ಸಂಸ್ಥೆ ಬಿಡುಗಡೆಗೊಳಿಸಿದೆ.

ಆ ಪ್ರಕಾರ, ಕಳೆದ ವರ್ಷ ಇದೇ ತ್ತೈಮಾಸಿಕದಲ್ಲಿ 10,431 ಕೋಟಿ ರೂ.ಗಳಿದ್ದ ನಿವ್ವಳ ಲಾಭ, ಈ ಬಾರಿ 11,342 ಕೋಟಿ ರೂ.ಗೆ ಏರಿಕೆಯಾಗಿದೆ. ಅಲ್ಲದೇ ಕಾರ್ಯಾಚರಣೆ ಆದಾಯವೂ ಕಳೆದ ವರ್ಷ 55,309 ಕೋಟಿ ರೂ.ಗಳಿತ್ತು. ಈ ವರ್ಷ ಶೇ.7.9ರ ಏರಿಕೆಯೊಂದಿಗೆ 59,692 ಕೋಟಿ ರೂ.ಗಳಿಗೆ ತಲುಪಿದೆ.