Advertisement

TCS;ಉದ್ಯೋಗಿಗಳನ್ನು ಪೀಡಿಸಿಲ್ಲ: ಟಿಸಿಎಸ್‌ ಸ್ಪಷ್ಟನೆ!

10:21 PM Jun 01, 2023 | Team Udayavani |

ನವದೆಹಲಿ: ದೇಶದ ಖ್ಯಾತ ಐಟಿ ಸಂಸ್ಥೆ, ಟಾಟಾ ಕನ್ಸಲ್ಟೆನ್ಸಿ ಸರ್ವೀಸ್‌ (ಟಿಸಿಎಸ್‌) ಮನೆಯಿಂದ ಕೆಲಸ ಮಾಡುತ್ತಿರುವ ತನ್ನ ಉದ್ಯೋಗಿಗಳಿಗೆ ಮೆಮೋ ನೀಡಿ ವೇತನ ಕಡಿತದ ಬೆದರಿಕೆ ಹಾಕಿದೆ ಎನ್ನುವ ವಾದಗಳನ್ನು ಟಿಸಿಎಸ್‌ ಗುರುವಾರ ತಳ್ಳಿಹಾಕಿದೆ.

Advertisement

ಅಂಥ ಯಾವುದೇ ಬೆಳವಣಿಗೆಗಳು ಸಂಸ್ಥೆಯಲ್ಲಿ ನಡೆದಿಲ್ಲವೆಂದು ಸಂಸ್ಥೆಯ ವಕ್ತಾರರು ತಿಳಿಸಿದ್ದಾರೆ. ಹಲವು ಮಾಧ್ಯಮಗಳು ಉದ್ಯೋಗಿಗಳಿಗೆ ಮೆಮೋ ನೀಡಿರುವುದರ ಕುರಿತು ವರದಿ ಮಾಡಿದ ಬೆನ್ನಲ್ಲೇ, ಟಿಸಿಎಸ್‌ ಪ್ರತಿಕ್ರಿಯಿಸಿದೆ.

ಕಾರ್ಯಕ್ಷೇತ್ರದ ವಾತಾವರಣದ ಅನುಭವ ಹಾಗೂ ಸಹ ಉದ್ಯೋಗಿಗಳ ಜತೆಗೆ ಕಾರ್ಯನಿರ್ವಹಣೆ ಅನುಭವವನ್ನು ಸಂಸ್ಥೆಯ ಎಲ್ಲಾ ಉದ್ಯೋಗಿಗಳು ಪಡೆಯಬೇಕೆಂಬುದು ಸಂಸ್ಥೆಯ ಆಶಯ.

ಈ ನಿಟ್ಟಿನಲ್ಲಿ ವಾರದಲ್ಲಿ ಕನಿಷ್ಠ 3 ದಿನ ಕಚೇರಿಯಿಂದ ಕಾರ್ಯನಿರ್ವಹಿಸುವಂತೆ ಉದ್ಯೋಗಿಗಳಿಗೆ ಪ್ರೋತ್ಸಾಹಿಸುತ್ತಿದ್ದೇವೆ. ಆದರೆ, ಈ ಸಂಬಂಧಿಸಿದ ಯಾವುದೇ ಮೆಮೋ ಅಥವಾ ವೇತನ ಕಡಿತದ ಸೂಚನೆಗಳನ್ನು ನೀಡಲಾಗಿಲ್ಲ ಎಂದು ಸಂಸ್ಥೆ ಸ್ಪಷ್ಟನೆ ನೀಡಿದೆ.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next