ಮುಂಬಯಿ: ಅಜಯ್ ದೇವಗನ್ ಅವರ ನೂರನೇ ಚಿತ್ರ ‘ತಾನಾಜಿ: ದಿ ಅನ್ ಸಂಗ್ ವಾರಿಯರ್’ ಬಾಕ್ಸಾಫೀಸಿನಲ್ಲಿ ದಾಖಲೆಗಳ ಮೇಲೆ ದಾಖಲೆಗಳನ್ನು ಸೃಷ್ಟಿಸುತ್ತಿದೆ. ಅಜಯ್ ದೇವಗನ್, ಸೈಫ್ ಆಲಿ ಖಾನ್, ಕಾಜಲ್ ಮತ್ತು ಶರದ್ ಖೇಲ್ಕರ್ ಮುಖ್ಯ ಭೂಮಿಕೆಯಲ್ಲಿರುವ ಈ ಐತಿಹಾಸಿಕ ಚಿತ್ರ ತಾನಾಜಿ ಬಿಡುಗಡೆಗೊಂಡ ಐದನೇ ವಾರದ ವೀಕೆಂಡ್ ನಲ್ಲೂ ಕೋಟಿ ಕಲೆಕ್ಷನ್ ಮಾಡುವ ಮೂಲಕ ಗಳಿಕೆಯಲ್ಲಿ ಅದೇ ವೇಗವನ್ನು ಕಾಯ್ದುಕೊಂಡಿದೆ.
ಐದನೇ ವಾರದಲ್ಲೂ ವಾರಾಂತ್ಯದ ಮೂರು ದಿನಗಳ ಗಳಿಕೆಯಲ್ಲಿ ಮುನ್ನಡೆ ಸಾಧಿಸಿರುವುದು ತಾನಾಜಿಯ ವಿಶೇಷ. ಶುಕ್ರವಾರ 1.15 ಕೋಟಿ, ಶನಿವಾರ 2.76 ಕೋಟಿ ಮತ್ತು ಆದಿತ್ಯವಾರದಂದು 3.45 ಕೋಟಿ ರೂಪಾಯಿಗಳನ್ನು ಗಳಿಸಿರುವ ಈ ಬ್ಲಾಕ್ ಬಸ್ಟರ್ ಚಿತ್ರ ಇದುವರೆಗೂ ಒಟ್ಟಾರೆಯಾಗಿ 266.88 ಕೋಟಿ ರೂಪಾಯಿಗಳನ್ನು ಬಾಚಿಕೊಂಡಿದೆ.
