ಶರ್ಮಾ ಬಿಡುಗಡೆಗೆ ಆದೇಶ

ಹೊಸದಿಲ್ಲಿ: ತಂದೂರ್‌ ಕೊಲೆ ಕೇಸು ಎಂದೇ ಪ್ರಸಿದ್ಧವಾಗಿರುವ 1995ರ ನೈನಾ ಸಾಹ್ನಿ ಹತ್ಯೆ ಪ್ರಕರಣದಲ್ಲಿ ಬಂಧಿತನಾಗಿರುವ ಸುಶೀಲ್‌ ಕುಮಾರ್‌ ಶರ್ಮಾನ ಬಿಡುಗಡೆಗೆ ದಿಲ್ಲಿ ಹೈಕೋರ್ಟ್‌ ಶುಕ್ರವಾರ ಆದೇಶ ನೀಡಿದೆ. ಈ ಪ್ರಕರಣದಲ್ಲಿ ಶರ್ಮಾಗೆ ಜೀವಾವಧಿ ಶಿಕ್ಷೆ ವಿಧಿಸಲಾಗಿದೆ. ಕಾರಾಗೃಹವಾಸದ ಅವಧಿಯನ್ನು ಪೂರ್ತಿಗೊಳಿಸಿದ್ದಾನೆ ಎಂದಾದರೆ ಆಪಾದಿತನನ್ನು ಸುಮ್ಮನೇ ಏಕೆ ಜೈಲಲ್ಲಿ ಇರಿಸಬೇಕು ಎಂದು ಪ್ರಶ್ನೆ ಮಾಡಿದೆ ನ್ಯಾಯಪೀಠ. ಜೀವಾವಧಿ ಶಿಕ್ಷೆ ವಿಧಿಸಲಾಗಿದ್ದನ್ನು ಪೂರ್ತಿಗೊಳಿಸಿದರೂ 29 ವರ್ಷ ಜೈಲು ಶಿಕ್ಷೆ ಅನುಭವಿಸಿದ್ದೇನೆ ಎಂದು ಶರ್ಮಾ ಸಲ್ಲಿಸಿದ ಅರ್ಜಿ ವಿಚಾರಣೆ ವೇಳೆ ಈ ಅಂಶ ಪ್ರಸ್ತಾಪವಾಗಿದೆ.