Advertisement

ಪ್ರಧಾನಿ ಮೋದಿಗೆ ದೇವಸ್ಥಾನ ನಿರ್ಮಿಸಿದ ತಮಿಳುನಾಡು ರೈತ

11:33 AM Dec 26, 2019 | sudhir |

ತಿರುಚಿರಾಪಳ್ಳಿ: ತಮಿಳುನಾಡಿನ ಎರ್ಕುಡಿ ಗ್ರಾಮದ ರೈತರೊಬ್ಬರು ತಮ್ಮ ಜಮೀನಿನಲ್ಲಿ ಪ್ರಧಾನಿ ನರೇಂದ್ರ ಮೋದಿಗೆ ದೇವಸ್ಥಾನವೊಂದನ್ನು ನಿರ್ಮಿಸಿದ್ದಾರೆ. ಈ ದೇವಸ್ಥಾನ ಕಳೆದ ವಾರ ಉದ್ಘಾಟನೆಯಾಗಿದೆ.

Advertisement

ದೇವಸ್ಥಾನದಲ್ಲಿ ಮೋದಿಗೆ ಪ್ರತಿದಿನ ಆರತಿ ಬೆಳಗಲಾಗುತ್ತದೆ ಎನ್ನಲಾಗಿದೆ. ರೈತ ಪಿ.ಶಂಕರ್‌(50) ಪ್ರಧಾನಿ ಮೋದಿಯ ಪ್ರಧಾನ ಮಂತ್ರಿ ಕಿಸಾನ್‌ ಸಮ್ಮಾನ್‌ ನಿಧಿ, ಉಜ್ವಲಾ ಯೋಜನೆ, ಶೌಚಾಲಯ ಯೋಜನೆಯ ಫ‌ಲಾನುಭವಿ ಮತ್ತು ಅಭಿಮಾನಿ. ಈ ಎಲ್ಲಾ ಅನುಕೂಲಗಳನ್ನು ಮಾಡಿಕೊಟ್ಟ ಕಾರಣ ಅವರು ಮೋದಿಯನ್ನು ಪೂಜಿಸುವುದಾಗಿ ಹೇಳಿದ್ದಾರೆ. ಈ ದೇವಸ್ಥಾನ 8 * 8 ಅಡಿ ಜಾಗದಲ್ಲಿ ನಿರ್ಮಿಸಲಾಗಿದೆ. ಮೋದಿಯವರ ಪುತ್ಥಳಿಯನ್ನು ಮಧ್ಯಭಾಗದಲ್ಲಿ ಇರಿಸಲಾಗಿದೆ. ಪುತ್ಥಳಿಯ ಎರಡೂ ಬದಿ ದೀಪಗಳನ್ನು ಇರಿಸಲಾಗಿದೆ. ಹಣೆಗೆ ತಿಲಕ ಇಡಲಾಗಿದೆ. 1.2 ಲಕ್ಷ ರೂ. ವೆಚ್ಚದಲ್ಲಿ ದೇವಸ್ಥಾನ ನಿರ್ಮಿಸಲಾಗಿದೆ ಎಂದು ಶಂಕರ್‌ ಹೇಳಿದ್ದಾರೆ.

Advertisement

Udayavani is now on Telegram. Click here to join our channel and stay updated with the latest news.

Next