ತಮಿಳುನಾಡು ಖಾದ್ಯ: ಖೀರ ಪೊಂಗಲ್‌

ತಮಿಳುನಾಡಿನ ಅತಿ ಪ್ರಸಿದ್ಧ ಖಾದ್ಯಗಳಲ್ಲಿ ಒಂದಾಗಿದೆ. ಇದರಲ್ಲಿ ಸಿಹಿ ಮತ್ತು ಖಾರ ಎರಡೂ ವಿಧಗಳು ಲಭ್ಯವಿವೆ.

ಬೇಕಾಗುವ ಸಾಮಗ್ರಿಗಳು
ಅಕ್ಕಿ- 1 ಕಪ್‌
ಹೆಸರುಬೇಳೆ- 1 ಕಪ್‌
ಹಸಿ ಮೆಣಸು – 8
ಜೀರಿಗೆ- 1 ಚಮಚ
ಕರಿಮೆಣಸು -1 ಚಮಚ
ಶುಂಠಿ -ಸ್ವಲ್ಪ
ಇಂಗು- ಸ್ವಲ್ಪ
ತುಪ್ಪ -2 ಚಮಚ
ಎಣ್ಣೆ -2 ಚಮಚ
ಗೋಡಂಬಿ -15
ಕರಿಬೇವು -ಸ್ವಲ್ಪ
ಉಪ್ಪು -ರುಚಿಗೆ ತಕ್ಕಷ್ಟು

ಮಾಡುವ ವಿಧಾನ:
ಮೊದಲು ಅಕ್ಕಿಯನ್ನು ಹತ್ತು ನಿಮಿಷ ನೀರಿನಲ್ಲಿ ನೆನೆಹಾಕಬೇಕು. ಹೆಸರುಬೇಳೆಯನ್ನು ಒಂದು ಪಾತ್ರೆಗೆ ಹಾಕಿ ಚೆನ್ನಾಗಿ ಹುರಿದುಕೊಂಡು ಅಕ್ಕಿಯ ಜತೆ ಸೇರಿಸಿ ಕುಕ್ಕರ್‌ಗೆ ಹಾಕಬೇಕು. ಚಿಟಿಕೆ ಅರಿಶಿನ ಮತ್ತು ಉಪ್ಪು ಸೇರಿಸಿ ನೀರು ಹಾಕಿ ಮೂರು ವಿಷಲ್‌ ತನಕ ಬೇಯಿಸಬೇಕು. ಒಂದು ಪಾತ್ರೆ ಗ್ಯಾಸ್‌ ಮೇಲಿಟ್ಟು ಅದಕ್ಕೆ ತುಪ್ಪ, ಎಣ್ಣೆ, ಜೀರಿಗೆ, ಕರಿಮೆಣಸು, ಹಸಿಮೆಣಸು,ಇಂಗು, ಶುಂಠಿ ಹಾಕಿ ಚೆನ್ನಾಗಿ ಹುರಿದುಕೊಳ್ಳಬೇಕು. ಕೊನೆಗೆ ಅದಕ್ಕೆ ಗೋಡಂಬಿ ಸೇರಿಸಿ ಬೇಯಿಸಿದ ಅನ್ನ ಹಾಗೂ ಹೆಸರು ಬೇಳೆಯನ್ನು ಮಿಶ್ರ ಮಾಡಿದರೆ ಖಾರ ಪೊಂಗಲ್‌ ಸವಿಯಲು ಸಿದ್ಧ.