ನಕಲಿ ಪತ್ರಕರ್ತರಿಗೆ ಕಡಿವಾಣ ಹಾಕಿ

ಇಂಡಿ: ತಾಲೂಕಿನಾದ್ಯಂತ ಇತ್ತೀಚಿನ ದಿನಗಳಲ್ಲಿ ನಕಲಿ ಪತ್ರಕರ್ತರ ಹಾವಳಿ ಹೆಚ್ಚಾಗಿದ್ದು ಅವರಿಗೆ ಕಡಿವಾಣ ಹಾಕಬೇಕು ಎಂದು ಕಾರ್ಯನಿರತ ಪತ್ರಕರ್ತರ ಸಂಘದ ವತಿಯಿಂದ ಸೋಮವಾರ ಡಿವೈಎಸ್‌ಪಿ ಶ್ರೀಧರ ದೊಡ್ಡಿ ಅವರಿಗೆ ಮನವಿ ಸಲ್ಲಿಸಲಾಯಿತು.

ಹಲವು ನಕಲಿ ಪತ್ರಕರ್ತರು ಗ್ರಾಮೀಣ ಭಾಗಕ್ಕೆ ಮತ್ತು ಪಟ್ಟಣದ ಅನೇಕ ಕಚೇರಿಗಳಿಗೆ ಹೋಗಿ ಇಲಾಖೆ ಸಿಬ್ಬಂದಿಗಳನ್ನು ಹೆದರಿಸಿ, ದುಡ್ಡಿಗಾಗಿ ಬೇಡಿಕೆ ಇಡುತ್ತಿದ್ದಾರೆ. ದುಡ್ಡು ಕೊಡದಿದ್ದರೆ ಯೂಟ್ಯುಬ್‌ ಚಾನೆಲ್‌ ಮತ್ತು ಪತ್ರಿಕೆಗಳಲ್ಲಿ ಬರೆದು ನಿಮ್ಮ ಮಾನ ಹಾನಿ ಮಾಡುತ್ತೇವೆ ಎಂದು ಹೆದರಿಸುತ್ತಿದ್ದಾರೆ ಎಂದು ತಿಳಿದು ಬಂದಿದ್ದು ಅಧಿಕಾರಿಗಳು ಕೂಡಲೆ ನಕಲಿ ಪತ್ರಕತರನ್ನು ಪತ್ತೆ ಹಚ್ಚಿ ಅವರ ವಿರುದ್ಧ ಕ್ರಮ ಕೈಗೊಳ್ಳಬೇಕು ಎಂದು ಮನವಿಯಲ್ಲಿ ಆಗ್ರಹಿಸಿದ್ದಾರೆ.

ಲಾಲು ರಾಠೊಡ, ರಾಜಕುಮಾರ ಚಾಬುಕಸವಾರ, ಯಲಗೊಂಡ ಬೇವನೂರ, ಅಬುಶಾಮ ಹವಾಲದಾರ, ವಿನೋದ ಸಿಂಗೆ, ಜೈಭಿಮ್‌ ಅಗರಖೇಡ, ಸದ್ದಾಂ ಜಮಾದಾರ, ಅಲ್ಲಾಭಕ್ಷ ಗೋರೆ, ಫಾರೂಕ್‌ ಬೋರಾಮಣಿ, ಮುದ್ದಿನ ನದಾಫ್‌ ಇದ್ದರು.