ರೈತ ಸಹಕಾರ ಸಂಘಕ್ಕೆ ಗೊಬ್ಬರ ಆವಕ

ಟೇಕಲ್‌: ಟೇಕಲ್‌ ರೇಷ್ಮೆ ಬೆಳೆಗಾರರ ಹಾಗೂ ರೈತ ಸೇವಾ ಸಹಕಾರ ಸಂಘದಲ್ಲಿ ಮಾರಾಟ ಮಾಡಲು ರೈತ ಸಂಪರ್ಕ ಕೇಂದ್ರದ ಕೃಷಿ ಅಧಿಕಾರಿ ರಾಘವೇಂದ್ರರವರು ಗೊಬ್ಬರ ತುಂಬಿದ ಲಾರಿಯೊಂದಿಗೆ ಆಗಮಿಸಿ ಗೊಬ್ಬರವನ್ನು ಸೊಸೈಟಿಯಲ್ಲಿ ದಾಸ್ತಾನು ಮಾಡಿದರು.

ಟೇಕಲ್‌ನಲ್ಲಿ ರಸಗೊಬ್ಬರದ ಕೊರತೆ ಎಂಬ ಶೀರ್ಷಿಕೆಯಲ್ಲಿ ಮಂಗಳವಾರ ಪತ್ರಿಕೆಗಳಲ್ಲಿ ಪ್ರಕಟಗೊಂಡಿದ್ದ ಸುದ್ದಿಯ ಹಿನ್ನೆಲೆಯಲ್ಲಿ ಕೃಷಿ ಇಲಾಖೆ ಅಧಿಕಾರಿಗಳು ಎಚ್ಚೆತ್ತುಕೊಂಡಿದ್ದಾರೆ. ಕಳೆದ ಎರಡು ವಾರಗಳಿಂದ ಬೀಳುತ್ತಿದ್ದ ಮಳೆಗೆ ರೈತರು ಬೆಳೆ ಮಾಡಿದ ರಾಗಿ, ಇನ್ನಿತರೆ ಬೆಳೆಗಳಿಗೆ ಗೊಬ್ಬರ ಅವಶ್ಯಕತೆ ಇದ್ದು ದಾಸ್ತಾನು ಇಲ್ಲದ ಕಾರಣ ಈ ಬಗ್ಗೆ ಪತ್ರಿಕೆಗಳಲ್ಲಿ ಗೊಬ್ಬರದ ಕೊರತೆ ಬಗ್ಗೆ ಸುದ್ದಿಯಾಗಿತ್ತು. ರೈತ ಸಂಪರ್ಕ ಕೇಂದ್ರದ ಅಧಿಕಾರಿಗಳು ಎರಡು/ ಮೂರು ದಿನದಲ್ಲಿ ಗೊಬ್ಬರ ತರಿಸಿಕೊಡುವುದಾಗಿ ತಿಳಿಸಿದ್ದರು. ಆದರೆ ಸುದ್ದಿ ಬಂದ 12 ಗಂಟೆಯಲ್ಲಿಯೇ ಗೊಬ್ಬರ ತರಸಿ ರೈತರಿಗೆ ಅನುಕೂಲ ಕಲ್ಪಿಸಿದ್ದಾರೆ.