T20 World Cup ಅಭ್ಯಾಸ ಪಂದ್ಯ: ಬಾಂಗ್ಲಾದೇಶ ವಿರುದ್ಧ ಭಾರತಕ್ಕೆ 62 ರನ್ ಜಯ

ನ್ಯೂಯಾರ್ಕ್‌: ಟಿ20 ವಿಶ್ವಕಪ್‌ ಅಭ್ಯಾಸ ಶನಿವಾರದ ಪಂದ್ಯದಲ್ಲಿ ಭಾರತ ತಂಡ ಬಾಂಗ್ಲಾದೇಶ ವಿರುದ್ಧ  62 ರನ್ ಜಯ ಸಾಧಿಸಿದೆ.

ಮೊದಲು ಬ್ಯಾಟಿಂಗ್‌ ನಡೆಸಿದ ಭಾರತ 5 ವಿಕೆಟಿಗೆ 182 ರನ್‌ ಗಳಿಸಿತು. ಗುರಿ ಬೆನ್ನಟ್ಟಿದ ಬಾಂಗ್ಲಾ 8 ವಿಕೆಟ್ ಕಳೆದುಕೊಂಡು 121 ರನ್ ಗಳಿಸಲಷ್ಟೇ ಶಕ್ತವಾಯಿತು.

ಆರಂಭಿಕ ಆಟಗಾರ ತಂಜಿದ್ ಹಸನ್ 17, ಶಕೀಬ್ ಅಲ್ ಹಸನ್ 28, ಮಹಮ್ಮದುಲ್ಲಾ40 ರನ್ ಗಳಿಸಿದರು.

ಅರ್ಷದೀಪ್ ಸಿಂಗ್, ಶಿವಂ ದುಬೆ ತಲಾ  2 ವಿಕೆಟ್ ಕಿತ್ತರು. ಬುಮ್ರಾ, ಸಿರಾಜ್, ಹಾರ್ದಿಕ್ ಪಾಂಡ್ಯಾ ,ಅಕ್ಷರ್ ಪಟೇಲ್ ತಲಾ 1 ವಿಕೆಟ್  ವಿಕೆಟ್ ಕಿತ್ತರು.

ರಿಷಭ್‌ ಪಂತ್‌ ಮತ್ತು ಹಾರ್ದಿಕ್‌ ಪಾಂಡ್ಯ ಬಿರುಸಿನ ಆಟದ ಮೂಲಕ ಗಮನ ಸೆಳೆದರು. ಪಂತ್‌ 32 ಎಸೆತಗಳಿಂದ 53 ರನ್‌ ಬಾರಿಸಿ ನಿವೃತ್ತರಾದರು (4 ಬೌಂಡರಿ, 4 ಸಿಕ್ಸರ್‌). ಪಾಂಡ್ಯ ಗಳಿಕೆ 23 ಎಸೆತಗಳಿಂದ ಅಜೇಯ 40 ರನ್‌ (2 ಫೋರ್‌, 4 ಸಿಕ್ಸರ್‌). ರೋಹಿತ್‌ ಶರ್ಮ 23, ಸೂರ್ಯಕುಮಾರ್‌ 31, ದುಬೆ 14 ರನ್‌ ಮಾಡಿದರು. ಆರಂಭಿಕನಾಗಿ ಇಳಿದ ಸಂಜು ಸ್ಯಾಮ್ಸನ್‌ ಗಳಿಕೆ ಒಂದೇ ರನ್‌.