ಥಾಯ್ಲೆಂಡ್ ನಲ್ಲಿ ಬಂಧಿಯಾದ ಭಾರತದ ಈಜು ಪಟು ಸಾಜನ್ ಪ್ರಕಾಶ್

ಫುಕೆಟ್ ( ಥಾಯ್ಲೆಂಡ್): ಖ್ಯಾತ ಈಜು ಪಟು ಸಾಜನ್ ಪ್ರಕಾಶ್ ಥಾಯ್ಲೆಂಡ್ ನ ಫುಕೆಟ್ ನಲ್ಲಿ ಸಿಕ್ಕಿಹಾಕಿಕೊಂಡಿದ್ದಾರೆ. ಅತ್ತ ಹೊರಬರಲಾರದೆ ಇತ್ತ ಭಾರತಕ್ಕೂ ಬರಲಾಗದ ಪರಿಸ್ಥಿತಿಯಲ್ಲಿ ಅವರಿದ್ದಾರೆ.

2016ರ ರಿಯೋ ಒಲಿಂಪಿಕ್ಸ್ ನಲ್ಲಿ ಭಾಗವಹಿಸಿದ್ದ ಸಾಜನ್ ಪ್ರಕಾಶ್ ಫುಕೆಟ್ ನಲ್ಲಿರುವ ಫಿನಾ ತರಬೇತಿ ಕೇಂದ್ರದಲ್ಲಿ ತರಬೇತಿ ಪಡೆಯುತ್ತಿದ್ದರು. ಸದ್ಯ ಕೋವಿಡ್-19 ವೈರಸ್ ವ್ಯಾಪಕವಾಗಿ ದೇಶ ವಿದೇಶಗಳಲ್ಲಿ ಹಬ್ಬಿರುವ ಕಾರಣ ವಿದೇಶಗಳಿಗೆ ವಿಮಾನ ಹಾರಾಟ ಸಂಪೂರ್ಣ ನಿಷೇಧಿಸಲಾಗಿದೆ.

ಈ ನಡುವೆ ಫುಕೆಟ್ ನಲ್ಲಿ ತರಬೇತಿ ಪಡೆಯುತ್ತಿದ್ದ ಈಜುಪಟುವಿಗೆ ಸೋಂಕು ದೃಢವಾಗಿದೆ. ತಕ್ಷಣ ಅವರನ್ನು ಅಲ್ಲಿಂದ ಅವರ ದೇಶಕ್ಕೆ ಕಳುಸಿ ಕೊಡಲಾಗಿದೆ. ಈ ಬಗ್ಗೆ ಪ್ರತಿಕ್ರಯಿಸಿರುವ ಸಾಜನ್ ಪ್ರಕಾಶ್, ಸೋಂಕಿತರೆಲ್ಲರನ್ನೂ ಫಿನಾ ಅವರವರ ಊರುಗಳಿಗೆ ಕಳುಹಿಸಿದೆ. ಉಳಿದಂತೆ ನಾವೆಲ್ಲಾ ಸುರಕ್ಷಿತವಾಗಿದ್ದೇವೆ ಎಂದಿದ್ದಾರೆ.