ಲಾಕ್‌ಡೌನ್‌ ಮಾಡದ ಸ್ವೀಡನ್‌ಗೆ ವಿದೇಶಿಗರ ಚಿಂತೆ

ಮಣಿಪಾಲ: ಸ್ವೀಡನ್‌ ಅತೀ ಹೆಚ್ಚು ವಿದೇಶಿಗರು ವಾಸವಾಗಿರುವ ಪ್ರದೇಶ. ಇಲ್ಲಿನ ಜನರು ಈಗ ಕೋವಿಡ್ ವೈರಸ್‌ನ ತಡೆಗಟ್ಟುವ ಅಸಮರ್ಪಕ ಕ್ರಮದಿಂದಾಗಿ ಸಮಸ್ಯೆ ಎದುರಿಸುತ್ತಿದ್ದಾರೆ. ಅಸಮರ್ಪಕಗೊಳ್ಳಲು ವಿದೇಶಿ ಪ್ರಜೆಗಳ ಇರುವಿಕೆ ಒಂದು ಸವಾಲಾಗಿ ಪರಿಣಮಿಸಿದೆ. ಕೆಲವು ಸಮುದಾಯದಲ್ಲಿ ಕೋವಿಡ್ ವೈರಸ್‌ ಬ್ಲೆ„ಂಡ್‌ ಸ್ಪಾಟ್‌ ಆಗಿ ಪರಿಣಮಿಸಿದೆ ಎಂದು ದೇಶದ ಸಾರ್ವಜನಿಕ ಆರೋಗ್ಯ ಸಂಸ್ಥೆ ತಿಳಿಸಿದೆ. ಸ್ವೀಡನ್‌ನಲ್ಲಿ 13 ಸಾವಿರಕ್ಕಿಂತ ಹೆಚ್ಚು ಕೋವಿಡ್ ಪ್ರಕರಣಗಳು ಕಂಡು ಬಂದಿದ್ದು, ಶೇ. 40ರಷ್ಟು ಪ್ರಕರಣಗಳು ಸ್ಟಾಕ್‌ಹೋಮ್‌ನಲ್ಲಿ ದಾಖಲಾಗಿದೆ.ಈ ಪ್ರದೇಶಗಳಲಿನ ಸರಾಸರಿ ಶೇ. 74ರಷ್ಟು ಜನರು ವಲಸೆ ಹಿನ್ನೆಲೆ ಹೊಂದಿದ್ದಾರೆ. ಅಂದರೆ ಅವರು ಅಥವಾ ಪೋಷಕರು ಇಬ್ಬರೂ ವಿದೇಶದಲ್ಲಿ ಜನಿಸಿದ್ದರು. ಈ ಕಾರಣಕ್ಕೆ ಸ್ಥಳೀಯ ಅಧಿಕಾರಿಗಳು ಈ ಪ್ರದೇಶಗಳಲ್ಲಿ ಮಾಹಿತಿ ಸಂಗ್ರಹಿಸುತ್ತಿದ್ದಾರೆ. ವಿಶೇಷ ಎಂದರೆ ಸ್ವೀಡಿಷ್‌ ಹೊರತುಪಡಿಸಿ ಉಳಿದ 26 ಭಾಷೆಗಳಲ್ಲಿ ಅಧಿಕಾರಿಗಳು ಸರ್ವೆ ನಡೆಸುತ್ತಿದ್ದಾರೆ. ರಷ್ಯನ್‌, ಫಿನ್ನಿಷ್‌, ಅರೇಬಿಕ್‌, ಟಿಗ್ರಿನ್ಯಾ, ಸೊಮಾಲಿ ಮತ್ತು ಪರ್ಷಿಯನ್‌ ಜನರಿದ್ದಾರೆ.

ಯುರೋಪಿನ ಬೇರೆಡೆ ಕಂಡು ಬರುವ ಕಠಿನ ಲಾಕ್‌ಡೌನ್‌ಗಳನ್ನು ಸ್ವೀಡನ್‌ ದೇಶ ಪಾಲಿಸುತ್ತಿಲ್ಲ. ಆದರೆ ನಾಗರಿಕರು ತಮ್ಮ ಹೊಣೆಯನ್ನು ತೆಗೆದುಕೊಳ್ಳಬೇಕು. ಸಾಮಾಜಿಕ ದೂರವನ್ನು ಅಭ್ಯಾಸ ಮಾಡಬೇಕೆಂದು ಅಧಿಕಾರಿಗಳು ಒತ್ತಾಯಿಸಿ¨ªಾರೆ. ಈಗಾಗಲೇ 50ಕ್ಕೂ ಹೆಚ್ಚು ಜನರು ಗುಂಪು ಕೂಡುವಂತಿಲ್ಲ ಎಂದು ಸೂಚಿಸಿದ್ದಾರೆ. ಆದರೆ ಅಂಗಡಿಗಳು, ಬಾರ್‌ಗಳು ಮತ್ತು ರೆಸ್ಟೋರೆಂಟ್‌ಗಳನ್ನು ಮುಚ್ಚಲಾಗಿಲ್ಲ. ಶಾಲೆಗಳು ಎಂದಿನಂತೆ ತೆರೆದಿವೆ. ಮಾರ್ಚ್‌ ಅಂತ್ಯದಲ್ಲಿ ಸ್ಟಾಕ್‌ ಹೋಮ್‌ನಲ್ಲಿ ಸಂಭವಿಸಿದ 15 ಸಾವುಗಳಲ್ಲಿ ಆರು ಮಂದಿ ಸೊಮಾಲಿ ಮೂಲದ ಜನರು ಎಂದು ವರದಿ ಮಾಡಿದೆ.