Swati Maliwal case: ಬಿಭವ್‌ ಫೋನ್‌ನಲ್ಲಿ ದತ್ತಾಂಶ ನಾಶ

ನವದೆಹಲಿ: ಆಪ್‌ ಸಂಸದೆ ಸ್ವಾತಿ ಮಲಿವಾಲ್‌ ಅವರ ಮೇಲೆ ನಡೆದ ದೌರ್ಜನ್ಯ ಪ್ರಕರಣದಲ್ಲಿ ಬಂಧಿತರಾಗಿರುವ ಬಿಭವ್‌ ಕುಮಾರ್‌ನನ್ನು ಮಂಗಳವಾರ ಮುಂಬೈಗೆ ಕರೆದೊಯ್ಯಲಾಗಿದೆ.

ತನಿಖೆಯ ಭಾಗವಾಗಿ ಅವರ ಫೋನ್‌ನಲ್ಲಿರುವ ದತ್ತಾಂಶ ಸಂಗ್ರಹಿಸಲು ಅವರನ್ನು ಮುಂಬೈಗೆ ಕರೆದೊಯ್ದಿರುವುದಾಗಿ ಮೂಲಗಳು ತಿಳಿಸಿವೆ.

ಪ್ರಕರಣ ದಾಖಲಾದ ನಂತರ ಬಿಭವ್‌ ಬೇರೆ ವ್ಯಕ್ತಿಗೆ ತಮ್ಮ ಫೋನ್‌ ನೀಡಿದ್ದರು. ಫೋನ್‌ ಜಪ್ತಿ ಮಾಡಿದಾಗ ಅದರಲ್ಲಿರುವ ದತ್ತಾಂಶಗಳು ನಾಶವಾಗಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ. ಸದ್ಯ ಬಿಭವ್‌ ಕುಮಾರ್‌ 5 ದಿನಗಳ ನ್ಯಾಯಾಂಗ ಬಂಧನದಲ್ಲಿದ್ದಾರೆ.