ಪುಣೆಯಲ್ಲಿ ರಸ್ತೆ ಬದಿ ಹೊಟೇಲಿಗೆ ಎಸ್‌ಯುವಿ ಢಿಕ್ಕಿ: ಮಾಲಕನ ಸಾವು

ಪುಣೆ : ಪುಣೆಯ ಸಾಂಗ್ವಿ ಪ್ರದೇಶದಲ್ಲಿ ಇಂದು ಮಂಗಳವಾರ ಅತ್ಯಂತ ವೇಗದಿಂದ  ಧಾವಿಸಿ ಬಂದ ಎಸ್‌ಯುವಿ ವಾಹನವೊಂದು ನೇರವಾಗಿ ರಸ್ತೆ ಬದಿಯ ಹೊಟೇಲ್‌ ಗೆ ಢಿಕ್ಕಿ ಹೊಡೆದು 60 ವರ್ಷ ಪ್ರಾಯದ ಹೊಟೇಲ್‌ ಮಾಲಕನನ್ನು ಬಲಿತೆಗೆದುಕೊಂಡ ಘಟನೆ ವರದಿಯಾಗಿದೆ. ಮೃತ ಹೊಟೇಲ್‌ ಮಾಲಕ ಓಂ ಪ್ರಕಾಶ್‌ ಪಂದಿನ್ವಾರ್‌ ಎಂದು ಗೊತ್ತಾಗಿದೆ.

ಮೃತ ಪಂದಿನ್ವಾರ್‌ ಅವರ ಪತ್ನಿ, ಢಿಕ್ಕಿ ಹೊಡೆದ ವಾಹನ ಚಾಲಕ ಮತ್ತು ಇನ್ನೊಬ್ಬರು – ಒಟ್ಟು ಮೂವರು – ಗಾಯಗೊಂಡು ಆಸ್ಪತ್ರೆಗೆ ದಾಖಲಾಗಿದ್ದಾರೆ.  ಮಧ್ಯಾಹ್ನ 1 ಗಂಟೆಯ ಹೊತ್ತಿಗೆ ಈ ಅವಘಡ ಸಂಭವಿಸಿದೆ.

ವೇಗವಾಗಿ ಧಾವಿಸಿ ಬರುತ್ತಿದ್ದ ಎಸ್‌ಯುವಿ ಚಾಲಕನಿಗೆ ವಾಹನದ ಮೇಲೆ ನಿಯಂತ್ರಣ ತಪ್ಪಿರುವುದು ಸಿಸಿಟಿವಿ ಯಲ್ಲಿ ದಾಖಲಾಗಿದೆ. ವಾಹನದ ಚಾಲಕ ಮತ್ತು ಮಾಲಕನ ಗುರುತು ಇನ್ನಷ್ಟೇ ಗೊತ್ತಾಗಬೇಕಿದೆ ಎಂದು ಪೊಲೀಸರು ಹೇಳಿದ್ದಾರೆ.