ಸುಷ್ಮಾ ಈಗಲೂ ಸಕ್ರಿಯ!

ಹೊಸದಿಲ್ಲಿ: ಪ್ರಧಾನಿ ಮೋದಿ ಸಂಪುಟದಲ್ಲಿ ವಿದೇಶಾಂಗ ಸಚಿವೆಯಾಗಿದ್ದ ಸುಷ್ಮಾ ಸ್ವರಾಜ್‌ ರಾಜೀನಾಮೆ ನೀಡಿದ ಅನಂತರವೂ ಸಚಿವಾಲಯಕ್ಕೆ ಸಂಬಂಧಿಸಿದ ದೂರುಗಳಿಗೆ ಸ್ಪಂದಿಸುತ್ತಿದ್ದಾರೆ.

ಜರ್ಮನಿ ಮೂಲದ ಪದ್ಮಶ್ರೀ ಪುರಸ್ಕೃತೆ ಫ್ರೆಡರಿಕ್‌ ಇರಿನಾ ಬ್ರನಿಂಗ್‌ ಅವರಿಗೆ ವೀಸಾ ಅವಧಿ ವಿಸ್ತರಿಸಲು ನಿರಾಕರಿಸಿದ ಸುದ್ದಿ ತಿಳಿಯುತ್ತಿದ್ದಂತೆ, ಇದರ ಬಗ್ಗೆ ವರದಿ ನೀಡುವಂತೆ ವಿದೇಶಾಂಗ ಸಚಿವಾಲಯದ ಅಧಿಕಾರಿಗಳಿಗೆ ಸೂಚಿಸಿದ್ದಾರೆ.

ವೀಸಾ ಅವಧಿ ವಿಸ್ತರಿಸದಿದ್ದರೆ ಪದ್ಮಶ್ರೀ ಪುರಸ್ಕಾರ ವಾಪಸ್‌ ಮಾಡುವುದಾಗಿ ಬ್ರುನಿಂಗ್‌ ಎಚ್ಚರಿಕೆ ನೀಡಿದ್ದರು. ಅಲ್ಲದೆ, ಸ್ಪೇನ್‌ನಲ್ಲಿ ಇಬ್ಬರ ಪಾಸ್‌ಪೋರ್ಟ್‌ ಕಳ್ಳತನವಾದ ಬಗ್ಗೆ ಸಹಾಯ ಕೇಳಿದ್ದಕ್ಕೂ ಸುಷ್ಮಾ ಪ್ರತಿಕ್ರಿಯಿಸಿದ್ದಾರೆ.