Advertisement
ಬೀಚ್‌ಗೆ ಬಂದ ಅನೇಕರ ಪ್ರಾಣವನ್ನು ಸ್ಥಳೀಯರು, ಬೀಚ್‌ ರಕ್ಷಕರು ರಕ್ಷಿಸಿದ್ದರೆ ಕೆಲವೇ ತಿಂಗಳಲ್ಲಿ ಪ್ರಾಣ ಕಳೆದುಕೊಂಡವರ ಅಂಕಿ ಸಂಖ್ಯೆ ತೆಗೆದರೆ ಆತಂಕವನ್ನುಂಟು ಮಾಡುತ್ತದೆ.
ಬೀಚ್‌ಗಳಲ್ಲಿ ಎಚ್ಚರಿಕೆ ನಾಮಫಲಕ ಅದೆಷ್ಟು ಮುಖ್ಯ ಎಂಬುದು ಇದೀಗ ಅರಿವಾಗತೊಡಗಿದೆ. ಹಲವೆಡೆ ಸ್ಪಷ್ಟ ಮಾಹಿತಿ ನೀಡುವ ಫಲಕಗಳು ಕಂಡು ಬರುತ್ತಿಲ್ಲ. ಬೀಚ್‌ಗೆ ಬರುವ ಪ್ರವಾಸಿಗರಿಗೆ ಕೇವಲ ಎಚ್ಚರಿಕೆ ಫಲಕ ಹಾಕುವ ಬದಲು ತೀರ ಪ್ರದೇಶದಲ್ಲಿ ಸಮುದ್ರದ ಆಳ, ಸುಳಿ ಇರುವ ಪ್ರದೇಶದ ಮಾಹಿತಿ, ಅದರ ಭೀಕರತೆ ಎಲ್ಲವನ್ನೂ ಸ್ಪಷ್ಟವಾಗಿ ನಮೂದಿಸಬೇಕಿದೆ.
ದಕ್ಷಿಣ ಕನ್ನಡ ಜಿಲ್ಲೆಯ ಸುರತ್ಕಲ್‌ ನಗರದ ಸಮುದ್ರ ತೀರ ಪ್ರದೇಶಗಳಾದ ಇಡ್ಯ, ಸುರತ್ಕಲ್‌ ಲೈಟ್‌ ಹೌಸ್‌, ಎನ್‌.ಐ.ಟಿ.ಕೆ., ಕೆ.ಆರ್‌.ಇ.ಸಿ. ಬೀಚ್‌, ಮಲಮಾರ್‌ ಬೀಚ್‌, ಮುಕ್ಕ ಇಂತಹ ಪ್ರದೇಶಗಳಲ್ಲಿ ಎಚ್ಚರಿಕೆ ಮತ್ತು ಮಾಹಿತಿ ಫಲಕಗಳ ಅಗತ್ಯವಿದೆ. ಪ್ರತೀ ಶನಿವಾರ, ರವಿವಾರ ಇಲ್ಲಿ ಬರುವ ಜನರ ಸಂಖ್ಯೆ ಕನಿಷ್ಠ ಐನೂರು ದಾಟುತ್ತದೆ.
Related Articles
ಬೀಚ್‌ ಪ್ರದೇಶಗಳಿಗೆ ಹೊರ ರಾಜ್ಯದ ಹೊರ ಜಿಲ್ಲೆಗಳಿಂದ ಬಹುಪಾಲು ವಿದ್ಯಾರ್ಥಿಗಳೇ ಬರುತ್ತಿರುತ್ತಾರೆ. ಪ್ರವಾಸಿಗರು ಸಮುದ್ರಕ್ಕೆ ಇಳಿಯದಂತೆ ಸ್ಥಳೀಯರು, ಗೃಹ ರಕ್ಷಕರು ಎಚ್ಚರಿಸಿದರೂ ಅವರ ಮಾತುಗಳು ಪರಿಣಾಮ ಬೀರುತ್ತಿಲ್ಲ.ಹೀಗಾಗಿ ಸಿಗರೇಟ್‌ ಪ್ಯಾಕಿನಲ್ಲಿ ಅಪಾಯದ ಚಿತ್ರ ಮುದ್ರಿಸಿದಂತೆ ಚಿತ್ರ ಸಹಿತ ಸಮುದ್ರ ಎಷ್ಟು ಅಪಾಯಕಾರಿ, ಎಷ್ಟು ಅಳವಿದೆ, ಇಲ್ಲಿ ಅನೇಕರು ಮೃತಪಟ್ಟಿದ್ದು, ಪ್ರವಾಸಿಗರು ವಹಿಸ ಬೇಕಾದ ಎಚ್ಚರಿಕೆ ಕ್ರಮಗಳನ್ನು ಕನ್ನಡ ಮತ್ತು ಇಂಗ್ಲಿಷ್‌ ಭಾಷೆಗಳಲ್ಲಿ ಮೂರು ನಾಲ್ಕು ಕಡೆ ‘ಎಚ್ಚರಿಕೆ’ಯ ನಾಮಫಲಕ’ ಅಳವಡಿಸುವ ಮೂಲಕ, ಜಾಗೃತಿ ಮೂಡಿಸಲು ಪರಿಣಾಮಕಾರಿ ಕ್ರಮ ಜರಗಿಸಬೇಕಿದೆ. ಜೀವಗಳನ್ನು ರಕ್ಷಿಸುವ ಸಲುವಾಗಿ ಪ್ರವಾಸೋದ್ಯಮ ಇಲಾಖೆ ಈ ನಿಟ್ಟಿನಲ್ಲಿ ಬೀಚ್‌ ಬದಿಗಳಲ್ಲಿ ಗೋಡೆ ಚಿತ್ರ, ನಾಮಫಲಕ ಮುದ್ರಿಸಲು ಮುಂದಾಗಬೇಕಿದೆ. ಇದಕ್ಕೆ ಸ್ಥಳೀಯ ಸಂಘ – ಸಂಸ್ಥೆಗಳ ಸಹಕಾರವೂ ಅಗತ್ಯವಿದೆ.
Advertisement
ನಾಮಫಲಕ ಅಳವಡಿಸಲು ಮನವಿಬೀಚ್ಗೆ ಬರುವ ವಿದ್ಯಾರ್ಥಿಗಳು, ಅನ್ಯ ಪ್ರವಾಸಿಗರಿಗೆ ಬೀಚ್‌ ಬಗ್ಗೆ ಮಾಹಿತಿ ಇರದೆ ನೀರಿಗಿಳಿದು ಅಪಾಯ ತಂದುಕೊಳ್ಳುತ್ತಾರೆ. ಇದಕ್ಕಾಗಿ ಜನ ಸೇರುವ ಬೀಚ್‌ಗಳಲ್ಲಿ ಆಳ, ಒಳಸುಳಿ, ಅಪಾಯ ಇಲ್ಲದ ಸಂದರ್ಭ ಸೇರಿದಂತೆ ಸಚಿತ್ರ ವರದಿಯ ನಾಮಫಲಕ ಅಳವಡಿಸಬೇಕು. ಈ ಬಗ್ಗೆ ನಾನೂ ಪ್ರವಾಸೋದ್ಯಮ ಇಲಾಖೆಗೆ ಮನವಿ ಮಾಡಿದ್ದೇನೆ.
-ಪುಷ್ಪರಾಜ್‌ ಕುಳಾಯಿ, ಸಮಾಜಸೇವಕರು ಬೀಚ್‌ ನಿರ್ವಾಹಕರ ನಿಯೋಜನೆ
ಎಲ್ಲೆಲ್ಲಿ ಅಗತ್ಯವಿದೆ ಅಲ್ಲಿ ನಾಮಫಲಕ ಅಳವಡಿಕೆಗೆ ಕ್ರಮ ಜರಗಿಸಲಾಗುವುದು. ಈಗಾಗಲೇ ಕೆಲವಡೆ ಬೀಚ್‌ ನಿರ್ವಾಹಕರನ್ನು ನಿಯೋಜಿಸಲಾಗಿದೆ.
-ಮಾಣಿಕ್ಯ, ಉಪನಿರ್ದೇಶಕರು ಪ್ರವಾಸೋದ್ಯಮ ಇಲಾಖೆ -ಲಕ್ಷ್ಮೀನಾರಾಯಣ ರಾವ್‌