ಅರಾವಳಿಯಲ್ಲಿ ಗಣಿಗಾರಿಕೆ ಸ್ಥಗಿತಕ್ಕೆ ಆದೇಶ

ಹೊಸದಿಲ್ಲಿ: ರಾಜಸ್ಥಾನದ ಅರಾವಳಿ ಪ್ರದೇಶದಲ್ಲಿ 31 ಪರ್ವತಗಳು ಕಣ್ಮರೆಯಾಗಿರುವ ಬಗ್ಗೆ ಸುಪ್ರೀಂ ಕೋರ್ಟ್‌ ಮಂಗಳವಾರ ಆಘಾತ ವ್ಯಕ್ತಪಡಿಸಿದೆ. ಜತೆಗೆ, 48 ಗಂಟೆಗಳ ಒಳಗೆ 115.34 ಹೆಕ್ಟೇರ್‌ ಪ್ರದೇಶದಲ್ಲಿ ಗಣಿಗಾರಿಕೆ ಸ್ಥಗಿತಗೊಳಿಸುವಂತೆ ಖಡಕ್‌ ಸೂಚನೆಯನ್ನೂ ನೀಡಿದೆ. ಅರಾವಳಿಯಲ್ಲಿ ಗಣಿಗಾರಿಕೆಯಿಂದಾಗಿ ರಾಜಸ್ಥಾನ ಸರಕಾರಕ್ಕೆ 5 ಸಾವಿರ ಕೋಟಿ ರೂ. ರಾಯಧನ ಬರಬಹುದು. ಆದರೆ, ಅದರಿಂದ ದೆಹಲಿಯಲ್ಲಿನ ಲಕ್ಷಾಂತರ ಜನರ ಬದುಕು ಅಪಾಯಕ್ಕೆ ಸಿಲುಕಬಾರದು ಎಂದಿದೆ ಕೋರ್ಟ್‌.