ಡ್ರಗ್ಸ್‌ ಪ್ರಕರಣವನ್ನು ಸಿಬಿಐಗೆ ಒಪ್ಪಿಸಲು ಸುಪ್ರೀಂಗೆ ಮನವಿ

ನವದೆಹಲಿ: ಮುಂಬೈ ಹೈ ಪ್ರೊಫೈಲ್‌ ಡ್ರಗ್ಸ್‌ ಪ್ರಕರಣದ ತನಿಖೆಯನ್ನು ಸಿಬಿಐಗೆ ಒಪ್ಪಿಸಬೇಕೆಂದು ಸುಪ್ರೀಂ ಕೋರ್ಟ್‌ನಲ್ಲಿ ಸಾರ್ವಜನಿಕ ಹಿತಾಸಕ್ತಿ ಮೊಕದ್ದಮೆ(ಪಿಐಎಲ್‌) ಹಾಕಲಾಗಿದೆ. ಮಾದಕವಸ್ತು ನಿಯಂತ್ರಣ ಮಂಡಳಿ (ಎನ್‌ಸಿಬಿ) ನಡೆಸುತ್ತಿರುವ ತನಿಖೆಯಲ್ಲಿ ಹಸ್ತಕ್ಷೇಪವಾಗುತ್ತಿರುವುದರಿಂದಾಗಿ ತನಿಖೆ ಹಸ್ತಾಂತರಕ್ಕೆ ಕೋರಲಾಗಿದೆ.

ತನಿಖೆಯನ್ನು ಸಿಬಿಐಗೆ ಒಪ್ಪಿಸುವುದರ ಜೊತೆ ಪ್ರಕರಣದ ಸಾಕ್ಷಿಗಳಿಗೆ ಸೂಕ್ತ ಭದ್ರತೆಯನ್ನು ನೀಡಬೇಕು ಎಂದೂ ಪಿಐಎಲ್‌ನಲ್ಲಿ ಮನವಿ ಮಾಡಲಾಗಿದೆ.

ಕಿರಣ್‌ ಗೋಸವಿ ಮೇಲೆ ದೂರಿನ ಸಾಲು:
ಡ್ರಗ್ಸ್‌ ಪ್ರಕರಣದಲ್ಲಿ ಎನ್‌ಸಿಬಿ ಅಧಿಕಾರಿಗಳೊಂದಿಗೆ ಕಾಣಿಸಿಕೊಂಡಿದ್ದ ಕಿರಣ್‌ ಗೋಸಾವಿ ವಿರುದ್ಧ ಶನಿವಾರದಂದು ಮತ್ತೊಂದು ಪ್ರಕರಣ ದಾಖಲಾಗಿದೆ.

ಇದನ್ನೂ ಓದಿ:ನ. 5ಕ್ಕೆ ಪ್ರಧಾನಿ ಉತ್ತರಾಖಂಡ ಭೇಟಿ : ಕಾರ್ಯಕ್ರಮ ರಂಗು ಹೆಚ್ಚಿಸಲಿರುವ ಸಾಧು-ಸಂತರು

ಈಗಾಗಲೇ ಕಿರಣ್‌ ವಿರುದ್ಧ ಬೇರೆ ದೇಶದಲ್ಲಿ ಕೆಲಸ ಕೊಡಿಸುವುದಾಗಿ ನಂಬಿಸಿ, ಹಣ ಪಡೆದು ಮೋಸ ಮಾಡಿರುವ ಪ್ರಕರಣ ದಾಖಲಾಗಿದ್ದು, ಆತನನ್ನು ಗುರುವಾರದಂದು ಬಂಧಿಸಲಾಗಿತ್ತು. ಶುಕ್ರವಾರದಂದು ಅದೇ ರೀತಿಯ ಮತ್ತೊಂದು ದೂರು ಆತನ ವಿರುದ್ಧ ದಾಖಲಾಗಿತ್ತು.

ಇದೀಗ ಶನಿವಾರದಂದು ಮತ್ತೋರ್ವ ವ್ಯಕ್ತಿ, ಗೋಸಾವಿಯಿಂದ 1.45 ಲಕ್ಷ ರೂ ವಂಚನೆಯಾಗಿರುವುದಾಗಿ ದೂರು ನೀಡಿದ್ದಾರೆ.