ಬಿಎಸ್ ವೈ ಆಡಿಯೋ ಪರಿಗಣನೆಗೆ ಸುಪ್ರೀಂ ಒಪ್ಪಿಗೆ: ಕೋರ್ಟ್ ಹೇಳಿದ್ದೇನು?

ಹೊಸದಿಲ್ಲಿ: ಮುಖ್ಯಮಂತ್ರಿ ಬಿ ಎಸ್ ಯಡಿಯೂರಪ್ಪ ಅವರು ಅನರ್ಹ ಶಾಸಕರ ಬಗ್ಗೆ ಮಾತನಾಡಿದ್ದಾರೆ ಎಂದು ಹೇಳಲಾದ ಆಡಿಯೋವನ್ನು ವಿಚಾರಣೆಗೆ ಪರಿಗಣಿಸಲು ಸುಪ್ರೀಂ ಕೋರ್ಟ್ ಒಪ್ಪಿಗೆ ಸೂಚಿಸಿದೆ.

ಕಾಂಗ್ರೆಸ್ ಪರ ವಕೀಲ ಕಪಿಲ್ ಸಿಬಲ್ ಆಡಿಯೋ ಬಗ್ಗೆ ಪ್ರಸ್ತಾಪಿಸಿ, ಈ ಬೆಳವಣಿಗೆಯ ಬಗ್ಗೆ, ಇದರಲ್ಲಿ ಕೇಂದ್ರ ನಾಯಕರ ಭಾಗವಹಿಸುವಿಕೆಯ ಬಗ್ಗೆ ಪೀಠಕ್ಕೆ ಮನವರಿಕೆ ಮಾಡಲು ಯತ್ನಿಸಿದರು.

ತೀರ್ಪು ತಯಾರಿಕಾ ಹಂತದಲ್ಲಿದೆ. ಈ ವೇಳೆ ಹೊಸ ಸಾಕ್ಷ್ಯ ಪರಿಗಣಿಸುವುದು ಕಷ್ಟ. ಹಾಗಿದ್ದರೂ ತೀರ್ಪು ಪ್ರಕಟ ವೇಳೆ ಆಡಿಯೋ ಪರಿಗಣಿಸುತ್ತೇವೆ. ಆದರೆ ಹೊಸತಾಗಿ ವಾದ- ಪ್ರತಿವಾದ ಬೇಡ. ಇದರಿಂದ ಕಾಲಹರಣವಾಗುತ್ತದೆ ಎಂದು ಸುಪ್ರೀಂ ಪೀಠ ಅಭಿಪ್ರಾಯಪಟ್ಟಿತು.

ಇಂದಿನ ವಿಚಾರಣೆ ಅಂತ್ಯಗೊಳಿಸಿದ ಪೀಠ, ತೀರ್ಪನ್ನು ಕಾಯ್ದಿರಿಸಿತು.