ರಾಯಚೂರು: ಸಿಂಧನೂರಿನ ಪಶು ಮೇಳದಲ್ಲಿ ಎಲ್ಲರ ಕಣ್ಮನ ಸೆಳೆದಿದ್ದು, ಉಡುಪಿ ಜಿಲ್ಲೆಯ ಬ್ರಹ್ಮವರಂನ ಸುಲ್ತಾನ್‌..! ಹೌದು ಓಂಗೋಲ್‌ ತಳಿಯ ಈ ಎತ್ತಿನ ಕಟ್ಟುಮಸ್ತಾದ ಮೈಕಟ್ಟು, ಎತ್ತರ ಎಂಥವರನ್ನಾದರೂ ಆಕರ್ಷಿಸದೆ ಬಿಡದು.
ಇರ್ಷಾದ್‌ ಎನ್ನುವವರ ಈ ಎತ್ತು ಮೇಳದ ಹೈಲೇಟ್‌ ಎಂದೇ ಹೇಳಬೇಕು. ಅಲ್ಲದೇ, ಮೊದಲ ದಿನ ಇರ್ಷಾದ್‌ರನ್ನು ಸಿಎಂ ಕೂಡ ಸನ್ಮಾನಿಸಿ ಗೌರವಿಸಿದರು. ಆದರೆ, ಈ ಎತ್ತನ್ನು ಅವರು ಕೇವಲ ಪ್ರದರ್ಶನಕ್ಕೆ ಸಾಕಿದ್ದಾರೆ. ಸುಮಾರು 10 ಲಕ್ಷಕ್ಕಿಂತ ಅಧಿಕ ಮೌಲ್ಯದ ಎತ್ತು ಎಂದೇ ಹೇಳಲಾಗುತ್ತಿತ್ತು.
ಹಸಿ ಸೊಪ್ಪು, ದವಸ ಧಾನ್ಯಗಳ ಜತೆಗೆ ಕೋಳಿ ಮೊಟ್ಟೆಗಳನ್ನು ಕೂಡ ಎತ್ತಿಗೆ ತಿನ್ನಿಸಲಾಗುತ್ತದೆ. ಈವರೆಗೆ ಸುಮಾರು 8-10 ಮೇಳಗಳಿಗೆ ಪ್ರದರ್ಶನಕ್ಕೆ ಕರೆದುಕೊಂಡು ಹೋಗಲಾಗಿದೆ. ಸಾಕಷ್ಟು ಕಡೆ ಬರುವಂತೆ ತಮಗೆ ಆಹ್ವಾನ ಬರುತ್ತಿವೆ ಎನ್ನುತ್ತಾರೆ
ಮಾಲೀಕ ಇರ್ಷಾದ್‌.
