Sullia ಜಾಲ್ಸೂರು ಹಾಡಹಗಲೇ ಮನೆಯಿಂದ ಕಳವು

ಸುಳ್ಯ: ಜಾಲ್ಸೂರು ಕದಿಕಡ್ಕದ ವಸಂತ ರೈ ಅವರ ಮನೆಯ ಹಿಂಬಾಗಿಲು ಮುರಿದು ನಗದು ಕಳವುಗೈದ ಘಟನೆ ಮಂಗಳವಾರ ಮಧ್ಯಾಹ್ನ ನಡೆದಿದೆ.

ವಸಂತ ಅವರ ಪತ್ನಿ ಹಾಗೂ ಮಕ್ಕಳು ಕೆಲಸಕ್ಕೆಂದು ಬೆಳಗ್ಗೆ ಬಾಗಿಲು ಹಾಕಿ ತೆರಳಿದ್ದರು. ಮಧ್ಯಾಹ್ನ 12.30ರ ವೇಳೆಗೆ ಊಟಕ್ಕೆ ಬಂದಾಗ ಹಿಂಬದಿಯಿಂದ ಬಾಗಿಲು ಮುರಿದಿದ್ದು, 2 ಕಪಾಟುಗಳ ಬೀಗ ಮುರಿದು ಚಿನ್ನಾಭರಣ ಕಳವು ಗೈದಿರುವುದು ಪತ್ತೆಯಾಯಿತು. ಪರಿಶೀಲನೆ ವೇಳೆ ಚಿನ್ನಾಭರಣ ಬಟ್ಟೆಗಳ ಜತೆಗೆ ಪತ್ತೆಯಾಗಿದೆ.

ಇನ್ನೊಂದು ಕಪಾಟಿನಿಂದ 8 ಸಾವಿರ ರೂ. ನಗದು ಕಳವು ಮಾಡಿ ಪರಾರಿಯಾಗಿದ್ದಾರೆ. ಜಾಲ್ಸೂರು ಭಾಗದಲ್ಲಿ ಕಳೆದ ಎರಡು-ಮೂರು ತಿಂಗಳಲ್ಲಿ 10ಕ್ಕೂ ಅಧಿಕ ಕಳವು ಕೃತ್ಯಗಳು ನಡೆದಿವೆ.