Advertisement
ಆನೆಗಳ ಜಲಕ್ರೀಡೆಅರಣ್ಯ ಇಲಾಖೆಯ ಮಾಹಿತಿ ಪ್ರಕಾರ ಮೂರು ದಿನಗಳಿಂದ ಈ ಆನೆಗಳ ಹಿಂಡು ನದಿ ಪರಿಸರದಲ್ಲಿ ಅಡ್ಡಾಡುತ್ತಿವೆ. ಸ್ಥಳೀಯರು ಕೂಡ ಇದನ್ನು ದೃಢ ಪಡಿಸಿದ್ದಾರೆ. ಶನಿವಾರ ಬೆಳಗ್ಗೆ ಆನೆಗಳು ಪಯಸ್ವಿನ ನದಿಯಲ್ಲಿ ನೀರಾಟ ನಿರತವಾಗಿದ್ದವು. ಐದು ಮರಿಯಾನೆ ಸಹಿತ ಎಂಟು ಆನೆಗಳು ಗುಂಪಿನಲ್ಲಿವೆ. ಕಳೆದ ಕೆಲ ದಿನಗಳಿಂದ ಆಲೆಟ್ಟಿ ಗ್ರಾಮದ ನಾರ್ಕೋಡು, ಏನಾವರ, ಅಜ್ಜಾವರ ಗ್ರಾಮದ ತುದಿಯಡ್ಕ, ಮಂಡೆಕೋಲು ಗ್ರಾಮದ ಕೆಲ ಪ್ರದೇಶಗಳಲ್ಲಿ ಕಾಡಾನೆಗಳು ಕಂಡು ಬಂದಿದ್ದವು. ನಾರ್ಕೋಡು, ಏನಾವರದಲ್ಲಿ ಕೃಷಿ ತೋಟಕ್ಕೆ ನುಗ್ಗಿ ಬೆಳೆ ನಷ್ಟವಾಗಿತ್ತು. ಆ ಪರಿಸರದಲ್ಲಿ ಇದೇ ಆನೆಗಳು ಕೃಷಿ ನಾಶ ಮಾಡಿರುವ ಸಾಧ್ಯತೆ ಇದೆ. ಅಲ್ಲಿಂದ ಭಸ್ಮಡ್ಕ ಕಡೆಗೆ ಮುಖ ಮಾಡಿರಬಹುದು ಎಂದು ಅಂದಾಜಿಸಲಾಗಿದೆ.2 ವರ್ಷಗಳ ಬಳಿಕ ಎರಡು ವರ್ಷಗಳ ಹಿಂದೆ ಭಸ್ಮಡ್ಕ
ಪರಿಸರದಲ್ಲಿ ಆನೆ ಹಿಂಡು ಕಾಣಿಸಿಕೊಂಡಿತ್ತು. ಅವು ಪಯಸ್ವಿನಿ ನದಿ ದಾಟಿ ನಗರದ ಭಸ್ಮಡ್ಕ, ಕುಂತಿನಡ್ಕ, ದೇವರ
ಕಳಿಯಕ್ಕೆ ನುಗ್ಗಿದ್ದವು. ಎರಡು ದಿನಗಳ ಕಾಲ ಆನೆ ಅವಾಂತರಕ್ಕೆ ಸ್ಥಳೀಯ ನಿವಾಸಿಗಳು ಮನೆಯಿಂದ ಹೊರ ಬರಲಾರದ ಸ್ಥಿತಿ ನಿರ್ಮಾಣವಾಗಿತ್ತು ಅನಂತರ ಇಲಾಖೆ ಸಿಬಂದಿ, ಸಾರ್ವಜನಿಕರು ಆನೆಗಳನ್ನು ಕಾಡಿಗೆ ಅಟ್ಟುವಲ್ಲಿ ಯಶಸ್ವಿ ಯಾಗಿದ್ದರು. ಯಾವುದೇ ಅಪಾಯ ಮಾಡದೆ ಮರಳಿದ್ದವು. ಕಳೆದ ವರ್ಷವೂ 2 ಆನೆಗಳು ಪಯಸ್ವಿನಿ ನದಿ ತೀರದಲ್ಲಿ ಕಾಣಿಸಿಕೊಂಡಿದ್ದವು ಇದೀಗಮತ್ತೂಮ್ಮೆ ಆನೆ ಹಿಂಡು ಕಾಣಿಸಿಕೊಂಡಿರುವುದು ಜನರ ನಿದ್ದೆಗೆಡಿಸಿದೆ.
ನದಿಯ ಇನ್ನೊಂದು ತಟದಲ್ಲಿ (ನಗರದ ಬದಿ) ಅರಣ್ಯ ಇಲಾಖೆ ಸಿಬಂದಿ ಬೀಡು ಬಿಟ್ಟಿದ್ದು, ಆನೆಗಳು ಇತ್ತ ಬಾರದಂತೆ ಎಚ್ಚರಿಕೆ ವಹಿಸಿದ್ದಾರೆ. ಅರಣ್ಯ ಸಿಬಂದಿ ಹೇಳುವ ಪ್ರಕಾರ, ಆನೆಗಳು ಇರುವ ಜಾಗ ಅರಣ್ಯದಿಂದ ತಗ್ಗಿನಲ್ಲಿದ್ದು, ಕೆಳಗೆ ಇಳಿದಿರುವ ಮರಿಯಾನೆಗಳಿಗೆ ಮೇಲಕ್ಕೆ ಏರಲು ಸಾಧ್ಯವಾಗುತ್ತಿಲ್ಲ. ಆದ ಕಾರಣ ಅವುಗಳು ಅಲ್ಲೇ ಉಳಿದುಕೊಂಡಿವೆ. ಮರಿಯಾನೆ ಮೇಲೇರಿದ ತತ್ಕ್ಷಣ ಉಳಿದ ಆನೆಗಳೂ ಹಿಂಬಾಲಿಸಬಹುದು ಎಂದು ತಿಳಿಸಿದ್ದಾರೆ. ಭೀತಿ ಬೇಡ; ಹಿಮ್ಮೆಟ್ಟಿಸುತ್ತೇವೆ
ಭಸ್ಮಡ್ಕದ ಪಯಸ್ವಿನಿ ನದಿಭಾಗದಲ್ಲಿ ಆನೆ ಹಿಂಡು ಕಂಡುಬಂದಿದೆ. ನೀರು ಕುಡಿಯುವ ಸಲುವಾಗಿ ನದಿಗೆ ಇಳಿದಿರಬಹುದು. ಅವು
ಗಳನ್ನು ಮತ್ತೆ ಕಾಡಿಗೆ ಅಟ್ಟಲು ಕಾರ್ಯಾಚರಣೆ ನಡೆದಿದೆ. ನಗರಕ್ಕೆ ನುಗ್ಗುವ ಬಗ್ಗೆ ಆತಂಕ ಪಡುವ ಅಗತ್ಯ ಇಲ್ಲ. ಮಂಜುನಾಥ ಎನ್., ವಲಯ ಅರಣ್ಯಾಧಿಕಾರಿ ಸುಳ್ಯ