ಸುಲಭ ಜೀವನ ನಗರಗಳು: ಟಾಪ್‌ 10ರಲ್ಲಿ  ಇಲ್ಲ ಕರ್ನಾಟಕ

ಹೊಸದಿಲ್ಲಿ: ಕೇಂದ್ರ ಸರಕಾರದ ವಸತಿ ಮತ್ತು ನಗರ ವ್ಯವಹಾರಗಳ ಸಚಿವಾಲಯವು ಸುಲಭವಾಗಿ ಜೀವನ ನಿರ್ವಹಿಸಬಹುದಾದ ನಗರಗಳ ಪಟ್ಟಿ ಪ್ರಕಟಿಸಿದ್ದು, ಟಾಪ್‌ 10ರಲ್ಲಿ ಕರ್ನಾಟಕದ ಯಾವುದೇ ನಗರ ಸ್ಥಾನ ಪಡೆದಿಲ್ಲ. ಪುಣೆ, ನವಿ ಮುಂಬಯಿ, ಗ್ರೇಟರ್‌ ಮುಂಬಯಿ ಈ ಪಟ್ಟಿಯಲ್ಲಿ ಸ್ಥಾನ ಪಡೆದಿವೆ. ಹೊಸದಿಲ್ಲಿ 65ನೇ ಸ್ಥಾನ, ವಾರಾಣಸಿ 33, ಅಹ್ಮದಾಬಾದ್‌ 23, ಹೈದರಾಬಾದ್‌ 27ನೇ ಸ್ಥಾನ ಗಳಿಸಿವೆ. ರಾಜ್ಯ ದಲ್ಲಿ ಮಂಗಳೂರು 41, ಬೆಳಗಾವಿ 52, ಹುಬ್ಬಳ್ಳಿ-ಧಾರವಾಡ 57, ಬೆಂಗಳೂರು 58, ಶಿವಮೊಗ್ಗ 67, ತುಮಕೂರು 70, ದಾವಣಗೆರೆ 83ನೇ ಸ್ಥಾನ ಪಡೆದಿವೆ. 
ಸ್ವಚ್ಛ ರೈಲು ನಿಲ್ದಾಣಗಳ ಪಟ್ಟಿಯಲ್ಲೂ ರಾಜ್ಯ ಸ್ಥಾನ ಪಡೆದಿಲ್ಲ.