ವಿದ್ಯುತ್‌ ಪರಿವರ್ತಕಕ್ಕೆ ಆವರಿಸಿದ್ದ ಗಿಡ, ಬಳ್ಳಿ ತೆರವು

ಕಬಕ: ಕಬಕ ಜಂಕ್ಷನ್‌ ಸಮೀಪದ ಖಾಸಗಿ ವಾಣಿಜ್ಯ ಕಟ್ಟಡವೊಂದಕ್ಕೆ ವಿದ್ಯುತ್‌ ಸರಬರಾಜಿಗಾಗಿ ಸ್ಥಾಪಿಸಿದ ವಿದ್ಯುತ್‌ ಪರಿವರ್ತಕದ ಬುಡದಲ್ಲಿ ಬೆಳೆದು ತಂತಿಗಳಿಗೆ ವ್ಯಾಪಿಸಿದ್ದ ಗಿಡ ಹಾಗೂ ಬಳ್ಳಿಗಳನ್ನು ಕಟ್ಟಡ ಮಾಲಕರೇ ತೆರವುಗೊಳಿಸಿದ್ದಾರೆ. ಟಿಸಿ ಸುತ್ತ ಆವರಿಸಿರುವ ಬಳ್ಳಿ – ಗಿಡಗಳಿಂದ ಅಪಾಯವಾಗುವ ಸಾಧ್ಯತೆ ಕುರಿತು ಸುದಿನ ಜು.5ರ ಸಂಚಿಕೆಯಲ್ಲಿ ವರದಿ ಪ್ರಕಟಿಸಿತ್ತು. ಖಾಸಗಿ ಟಿಸಿಗಳ ನಿರ್ವಹಣೆಯನ್ನು ಕಟ್ಟಡ ಮಾಲಕರೇ ಮಾಡಬೇಕು. ಹೀಗಾಗಿ, ಅವರೇ ಸ್ವಚ್ಛಗೊಳಿಸಿದ್ದಾರೆ ಎಂದು ಸ್ಥಳೀಯ ಲೈನ್‌ ಮ್ಯಾನ್‌ ವಾಲ್ಟರ್‌ ರವಿ ತಿಳಿಸಿದ್ದಾರೆ.