Advertisement
“ನಾನು ಕಾಯುತ್ತಿದ್ದೇನೆ. ಆ ಪುಣ್ಯಾತ್ಮರು ಯಾವಾಗ ದೊಡ್ಡ ಮನಸ್ಸು ಮಾಡ್ತಾರೋ ಗೊತ್ತಿಲ್ಲ’ ಎನ್ನುವ ಮೂಲಕ “ಮ್ಯಾಕ್ಸ್‌’ ಅಪ್‌ಡೇಟ್‌ ತಮಗೂ ಇಲ್ಲ ಎಂಬ ಸುಳಿವು ನೀಡಿದ್ದರು. ಇದರ ಬೆನ್ನಲ್ಲೇ ನಿರ್ಮಾಣ ಸಂಸ್ಥೆ ಎಚ್ಚೆತ್ತುಕೊಂಡಿದೆ. ಚಿತ್ರವನ್ನು ಡಿಸೆಂಬರ್‌ 27ರಂದು ತೆರೆಗೆ ತರಲು ನಿರ್ಧರಿಸಿದೆ ಎನ್ನಲಾಗಿದೆ. ಈ ಹಿನ್ನೆಲೆಯಲ್ಲಿ ಚಿತ್ರದ ಕುರಿತಾದ ಅಪ್‌ಡೇಟ್‌ವೊಂದನ್ನು ನ.27ರಂದು ನೀಡಲು ಮುಂದಾಗಿದೆ. ಅದು ರಿಲೀಸ್‌ ಕುರಿತಾದ ಆಪ್‌ ಡೇಟ್‌ ಎನ್ನುವುದು ಸಿನಿಮಂದಿಯ ಮಾತು.
Related Articles
Advertisement
ಡಿಸೆಂಬರ್‌ 27ರಂದು ಸಿನಿಮಾ ತೆರೆಗೆ ತರಲು ಈಗಾಗಲೇ ಹಲವು ಸಿನಿಮಾ ತಂಡಗಳು ಮುಂದಾಗಿವೆ. “ಗಜರಾಮ’, “ರಾಕ್ಷಸ’, “ರುದ್ರ ಗರುಡ ಪುರಾಣ’.. ಹೀಗೆ ಐದಾರು ಚಿತ್ರಗಳು ಸಿದ್ಧತೆ ಮಾಡಿಕೊಂಡಿದ್ದವು. ಈಗ ಸುದೀಪ್ ಅವರ “ಮ್ಯಾಕ್ಸ್‌’ ಚಿತ್ರ ಬರುತ್ತಿರುವುದರಿಂದ ಈ ಎಲ್ಲಾ ಚಿತ್ರಗಳು ತಮ್ಮ ಬಿಡುಗಡೆಯನ್ನು ಅನಿವಾರ್ಯವಾಗಿ ಮುಂದಕ್ಕೆ ಹಾಕಬೇಕಿದೆ. ಏಕೆಂದರೆ ಒಂದು ವಾರ ಮುಂಚೆ ರಿಲೀಸ್‌ ಮಾಡಿ ಬಿಡುವ ಎಂಬ ನಿರ್ಧಾರಕ್ಕೂ ಬರುವಂತಿಲ್ಲ. ಏಕೆಂದರೆ ಡಿ.20ರಂದು ಉಪೇಂದ್ರ ನಟನೆ, ನಿರ್ದೇಶನದ “ಯು-ಐ’ ಚಿತ್ರ ತೆರೆಕಾಣುತ್ತಿದೆ. ಹಾಗಾಗಿ, ಹೊಸ ವರ್ಷಕ್ಕೆ ಹೋಗುವ ಆಯ್ಕೆ ಮಾತ್ರ ಉಳಿಯುತ್ತದೆ.
ಲಕ್ಕಿ ಡಿಸೆಂಬರ್‌
ಕನ್ನಡ ಚಿತ್ರರಂಗಕ್ಕೂ ಡಿಸೆಂಬರ್‌ಗೂ ಒಂದು ಅವಿನಾಭಾವ ಸಂಬಂಧವಿದೆ. ಅದು ಸಿನಿಮಾದ ಗೆಲುವಿನ ಕುರಿತಾದ್ದು. ಏಕೆಂದರೆ ಡಿಸೆಂಬರ್‌ನಲ್ಲಿ ಕೊನೆಯ ವಾರ ತೆರೆಕಂಡ ಸಿನಿಮಾಗಳು ದೊಡ್ಡ ಮಟ್ಟದಲ್ಲಿ ಹಿಟ್‌ ಆಗುತ್ತವೆ ಎಂಬ ನಂಬಿಕೆ. ಅದಕ್ಕೆ ಪೂರಕವಾಗಿ “ಮುಂಗಾರು ಮಳೆ’, “ಕಾಟೇರ’ದಂತಹ ಹಿಟ್‌ ಸಿನಿಮಾಗಳ ಉದಾಹರಣೆಗಳು ಕೂಡಾ ಸಿಗುತ್ತವೆ