ಸುಡಾನ್‌ನಲ್ಲಿ ಪ್ರಜಾಸತ್ತೆ ಪರ ಪ್ರತಿಭಟನೆ: ಮಿಲಿಟರಿ ಕಾರ್ಯಾಚರಣೆಗೆ 60 ಬಲಿ

ಖರ್‌ತೋಮ್‌ : ಈ ವಾರದ ಆದಿಯಿಂದ ಖರ್‌ತೋಮ್‌ ನಲ್ಲಿ ಪ್ರಜಾಸತ್ತೆ ಪರ ನಡೆಯುತ್ತಿರುವ ಧರಣಿಯನ್ನು ಚದುರಿಸುವ ಮಿಲಿಟರಿ ಕಾರ್ಯಾಚರಣೆಯಲ್ಲಿ ಈ ತನಕ 60 ಮಂದಿ ಪ್ರತಿಭಟನಕಾರರು ದೇಶಾದ್ಯಂತ ಹತರಾಗಿದ್ದಾರೆ ಎಂದು ಆಂದೋಲನದ ಸಂಘಟಕರು ತಿಳಿಸಿದ್ದಾರೆ.

ಈ ಮೊದಲು ಸಾವಿನ ಸಂಖ್ಯೆ 40 ಎಂದು ಹೇಳಲಾಗಿತ್ತು. ಆದರೆ ಅದೀಗ 60 ಆಗಿದೆ ಎಂದು ಸಂಘಟಕರು ಹೇಳಿದ್ದಾರೆ.

ಸುಡಾನ್‌ ವೈದ್ಯರ ಸಮಿತಿಯ ಪ್ರಕಾರ ಭದ್ರತಾ ಪಡೆಗಳು ಇಂದು ಬುಧವಾರ ರಾಜಧಾನಿ ಖರ್‌ತೋಮ್‌ ಇದರ ಅವಳಿ ನಗರವಾಗಿರುವ ಒಮ್‌ದುರ್‌ಮ್‌ ನಲ್ಲಿ ಕನಿಷ್ಠ 10 ಮಂದಿಯನ್ನು ಕೊಂದಿವೆ.

ನಿನ್ನೆ ಮಂಗಳವಾರ ವೈಟ್‌ ನೈಲ್‌ ರಾಜ್ಯದಲ್ಲಿ ಹತರಾದ ಐವರು ಸೇರಿದಂತೆ ಒಟ್ಟು 10 ಪ್ರತಿಭಟನಕಾರರು ಭದ್ರತಾ ಪಡೆಗಳಿಗೆ ಬಲಿಯಾಗಿದ್ದರು.