Bengaluru: ಕೀಪರ್‌ ಕಿರ್ಮಾನಿ ಆತ್ಮಚರಿತ್ರೆ “ಸ್ಟಂಪ್ಡ್ ’ ಬಿಡುಗಡೆ

ಬೆಂಗಳೂರು: ಭಾರತ ಕ್ರಿಕೆಟ್‌ ತಂಡದ ಮಾಜಿ ವಿಕೆಟ್‌ ಕೀಪರ್‌ ಸಯ್ಯದ್‌ ಕಿರ್ಮಾನಿ ಅವರ ಆತ್ಮಚರಿತ್ರೆ “ಸ್ಟಂಪ್ಡ್-22 ಯಾರ್ಡ್‌ಗಳ ಹಿಂದಿನ ಮತ್ತು ಹೊರತಾದ ಬದುಕು’ ಕೃತಿ ರವಿವಾರ ಬಿಡುಗಡೆಗೊಂಡಿತು.

ಎಂ. ಚಿನ್ನಸ್ವಾಮಿ ಮೈದಾನದಲ್ಲಿ ನಡೆದ ಕಾರ್ಯಕ್ರಮದಲ್ಲಿ 1983ರ ವಿಶ್ವಕಪ್‌ ವಿಜೇತ ಭಾರತ ತಂಡದ ನಾಯಕ ಕಪಿಲ್‌ ದೇವ್‌, ಹಿರಿಯ ಉದ್ಯಮಿ ನಾರಾಯಣ ಮೂರ್ತಿ, ಉಪ ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್‌, ಮಾಜಿ ಕ್ರಿಕೆಟರ್‌ಗಳಾದ ಬಿ.ಎಸ್‌. ಚಂದ್ರಶೇಖರ್‌, ಇ.ಎ.ಎಸ್‌. ಪ್ರಸನ್ನ, ಬೃಜೇಶ್‌ ಪಟೇಲ್‌, ರಾಹುಲ್‌ ದ್ರಾವಿಡ್‌, ಅನಿಲ್‌ ಕುಂಬ್ಳೆ, ವಿ.ವಿ.ಎಸ್‌. ಲಕ್ಷ್ಮಣ್‌ ಸೇರಿಕೊಂಡು ಕೃತಿಯನ್ನು ಬಿಡುಗಡೆಗೊಳಿಸಿದರು.

ಸ್ಟಂಪ್ಡ್ ಕೃತಿಯಲ್ಲಿ ಸಯ್ಯದ್‌ ಕಿರ್ಮಾನಿ ಅವರ ಅದ್ಭುತ ವಿಕೆಟ್‌ ಕೀಪಿಂಗ್‌ ಕೌಶಲ ಮತ್ತು ಭಾರತೀಯ ಕ್ರಿಕೆಟ್‌ಗೆ ಕಿರ್ಮಾನಿ ಅವರ ಕೊಡುಗೆ, ಅವರ ಬದುಕಿನ ವಿಚಾರಗಳನ್ನು ಒಳಗೊಂಡಿದೆ. ಕೃತಿಯನ್ನು ಖ್ಯಾತ ಲೇಖಕರಾದ ದಕ್ಷೇಶ್‌ ಪಾಠಕ್‌ ಮತ್ತು ದೇಬಶಿಷ್‌ ಸೇನ್‌ಗುಪ್ತಾ ಸಂಪಾದಿಸಿದ್ದಾರೆ.

ಕೃತಿಯ ಬಗ್ಗೆ ಮಾತನಾಡಿದ ಕಿರ್ಮಾನಿ, “ಇಲ್ಲಿ ನಾನು ನನ್ನ ಕ್ರಿಕೆಟ್‌ ಪ್ರಯಾಣದ ಸಂಗತಿಗಳನ್ನಷ್ಟೇ ಹಂಚಿ ಕೊಂಡಿಲ್ಲ. ಜತೆಗೆ ಕ್ರಿಕೆಟ್‌ ಅಂಕಣದಲ್ಲಿ ನಾನು ಕಲಿತ ಬದುಕಿನ ಪಾಠಗಳನ್ನೂ ಸೇರಿಸಿದ್ದೇನೆ. ಇದು ಯುವ ಕ್ರಿಕೆಟಿಗರಿಗೆ ಸ್ಫೂರ್ತಿ ತುಂಬಲಿದೆ’ ಎಂದರು.